رۆژهەڵاتی کوردستان
- کاتژمێر 4ی ئەم بایەنییە، رامین حسێن پەناهیرامین حسێن پەناهی لەسێدارەدرا.[2]
- بنەماڵەی زانیار مورادی لەسەر دواین دۆخی زانیار و لوقمان باس لەوە دەکەن، کە لە کاتژمێر 03:00ی بەرەبەیانی ئەمڕۆوە لە بەردەم زیندانی ڕەجائی شەهری کەرەج وەستاون، بەرپرسانی زیندانەکە زانیاری ڕوونیان پینەداون کە سزاکەی جێبەجێکراوە یاخود نا. ئاماژەیان بەوەشکردووە، کە بەرپرسانی زیندان یاری بە هەستیان دەکەن و جارێک دەڵێن لەسێدارە دراون و جارێکیش دەڵێن سزاکە جێبەجێنەکراوە، بەوەش لە گومان و دلەراوکێدا هێشتویاننەتەوە.[3]
- زانیار موڕادیزانیار موڕادی و لوقمان موڕادیلوقمان موڕادی لەسێدارەدران.[2]
- بەهۆی لەسێدارەدانی هەر سێ لاوە کوردەکەی رۆژهەڵات و هێرشی داگیرکەری ئێران بۆسەر کۆیە، چالاکوانانی رۆژهەڵات کەمپینی من لە ماڵ نایەمەدەر و مانگرتنی سەرتاسەرییان بۆ رۆژی دووشەممەی داهاتوو لە هەموو شار و شارۆچکەکانی رۆژهەڵات راگەیاند.[2]
باشووری کوردستان
- چەند بارەگایەکی حیزبی دیموکراتی کوردستانحیزبی دیموکراتی کوردستانی ئێران لە شارۆچکەی کۆیەکۆیە لەلایەن داگیرکەری ئێرانەوە موشەک باران کرا و قوربانی لێکەوتەوە. سەرچاوەکان باس لە شەهیدبونی 14 کەس کە 6یان ئەندامی کۆمیتەی ناوەندین و برینداربوونی دەیان کەس دەکەن. هەریەک لە مستەفا مەولودیمستەفا مەولودی سکرتێری گشتی حزبی دیوکراتی کوردستان و خالید عەزیزیخالید عەزیزی سکرتێری پێشوی ئه و حزبە بریندارن، موشەکبارانەکە لە کاتێکدا بووە کە حیزبی دیموکرات پلینیۆمی بەستووە و کۆبوونەوەیەکی جەماوەریی لایەنگرانی حزب لە ئارادابووە.[2]
- داگیرکەری ئێران دیسان تۆپبارانی ناوچەکانی سیدەکانسیدەکان و حاجی ئۆمەرانحاجی ئۆمەرانی دەستپێکردەوە.[2]
- سەرۆکی فراکسیۆنی بزووتنەوەی ئیسلامیبزووتنەوەی ئیسلامی لە پەرلەمانی کوردستان، رایگەیاند لەسەر بۆردوومانەکەی کۆیە، پێویستە پەرلەمانی کوردستان کۆبوونەوەیەکی نائاسایی بکات.[5]
- هێزەکانی هاوپەیمانان بە پشتیوانی هێزەکانی کۆماندۆی سەر بە پێشمەرگەپێشمەرگە ناوچەی شۆراو لە نێوان خورماتووخورماتوو - کفریکفری بۆردومان دەکەن و ئۆپەراسیۆنێکی تایبەتیان بۆ لەناوبردنی داعشداعش له و سنوورە دەستپێکردووە.[1]
- پاش هێرشەکەی ئێران بۆ سەر بارەگای هەردوو دیموکرات لە شاری کۆیە، تیمێکی تایبەتی شارەزایانی ئەمنیی ویلایەتە یەکگرتووەکانی ئەمریکا، بە مەبەستی لێکۆڵینەوە لەو هێرشە، چوونەتە کۆیە و شوێنی هێرشەکەیان لە نزیکەوە بینیوە.[7]
- لەسنوری خانەقینخانەقین لە پەلامارێکی چەکدارانی داعش بۆ سەر بازگەیەکی چەکدارانی حەشدی شەعبیحەشدی شەعبی، چەکدارێکی بازگەکە کوژرا کە کوردە.[1]
- فراکسیۆنی گۆڕان لە پەرلەمانی کوردستان راگەیەنراوێکی بڵاوکردەوە، لەسەر بۆردومانکردنی بارەگای حزبی دیموکراتی کوردستانی ئێران داوای کۆبوونەوەی پەرلەمان دەکات.[1]
- بێگەرد تاڵەبانی جێگری دووەمی سەرۆکی پەرلەمانی کوردستان دەڵێت: تاوەکو ئێستا هیچ داوایەک ئاراستەی سەرۆکایەتی پەرلەمان نەکراوە بۆ کۆبوونەوە لەسەر بۆردومانکردنی بارەگاکانی حزبی دیموکراتی ئێران و دەشڵێت، بەڵام پەرلەمان بێ دەنگ نابێت.[1]
- هەردوو فراکسیۆنی یەکێتیی نیشتمانیی کوردستانیەکێتیی نیشتمانیی کوردستان و پارتی دیموکراتی کوردستانپارتی دیموکراتی کوردستان لە ئەنجومەنی نوێنەرانی عیراق، دوو بەیاننامەی هاوبەشیان بڵاوکردەوه و تێیدا پشتگیری خۆپیشاندەرانی شاری بەسڕەیان کردو ئیدانەی هێرشەکەی سەر کوردانی رۆژهەڵاتی کوردستانیان کرد لە شاری کۆیە کە چەندین کەس تێیدا شەهیدو برینداربوون.[6]
- دوانیوەڕۆی ئەمڕۆ لە بەردەم موزەخانەی ئەمنە سوورەکە لە شاری سلێمانیسلێمانی کۆمەڵێک لە ڕۆژنامەنووسان، چالاکوانان و چین و توێژەکانی گردبوونەوەکیان بۆ ئیدانەکردنی لەسێدارەدانی ڕامین حسێن پەناهی، زانیار و لوقمان مورادی لەشاری سلێمانی ئەنجامدا.[4]
- چالاکوانان و ڕۆژنامەنووسانی شاری هەولێرهەولێر، دژی هێرشە موشەکییەکەی ئێران بۆ سەر بارەگاکانی حزبی دیموکراتی کوردستانی ئێران (حدکا) و حزبی دیموکراتی کوردستان (حدک) لە شاری کۆیە و لەسێدارەدانی هەریەکە لە ڕامین حسێن پەناهی و زانیار و لوقمان مورادی، زیندانیانی سیاسیی کورد، گردبوونەوەیەکیان ئەنجامدا و داوای داخستنی کۆنسوڵخانەی ئێران-یان کرد.[3]
- بۆ ماوەی 10 رۆژ بە بەردەوامیی هێزە ئاسمانییەکانی تورکیا بە بیانووی هەبوونی بارەگاکانی پەکەکەپەکەکە، چەند ناوچەیەک لە سنوری شارۆچکەی ئامێدیئامێدی بۆردومان دەکەن، سەرچاوەیەکیش لە شارەدێی شێلادزێ رایدەگەیەنێت: دوێنێ و ئەمرۆ هەشت گوند لە دەڤەری رێکان و دوسکی ژۆری بۆردومان کراون و دارستانی ئەو ناوچانە ئاگری گرتووە.[1]
- هێزەکانی پۆلیسی ئیتیحادی لەمیانی هەڵمەتەکانی گەڕان و پشکنیندا بۆ ژمارەیەک لەگوندەکانی دەوروبەری پارێزگای کەرکوککەرکوک، دەستگیرکردنی 27 کەسیان راگەیاند، هاوکات 54 بۆمبی چێندراویش پوچەڵکراوەتەوە.[1]
- هێرۆ ئیبراهیم ئەحمەدهێرۆ ئیبراهیم ئەحمەد و شاناز ئیبراهیم ئەحمەدشاناز ئیبراهیم ئەحمەد بریندارەکانی حزبی دیموکراتیان لە نەخۆشخانەی شار لە سلێمانی بەسەرکردەوە.[6]
رۆژئاوای کوردستان
- کاتژمێر 09:00 بەیانیی ئەمڕۆ هێزەکانی رژێمی سوریا لە نزیک فڕۆکەخانەی قامیشلۆقامیشلۆ بە زۆر گەنجێکیان دەستگیرکردبوو و خواستبویان بیبەن بۆ سەربازیی زۆرەملێ. هێزەکانی ئاسایشی ناوخۆی خۆبەڕێوبەریی قامیشلۆ دەستیان لەو دۆخەکە وەرداوە و چوونە شوێنی رووداوەکە و لە ئەنجامدا بەهۆی روودانی شەڕەوە بەلانیکەمەوە 13 سەربازی رژێم کوژران و ئەندامێکی هێزەکانی ئاسایشی ناوخۆی قامیشلۆ شەهید بوو و 2 ئەندامی تری ئاسایشی ناوخۆی قامیشلۆ بریندار بوون.[4]
- پارتی مارکسیست لنینیست، کۆمۆنیست (MLKP) لە ڕۆژئاوا بە مەراسیمێکی بەشکۆ 25هەمین ساڵی دامەزراندنی خۆی پیرۆزکرد.[4]
دەرەوەی کوردستان
- دوای ئەوەی 26-ەمین فێستیڤاڵی نێودەوڵەتیی کورد لە شاری دینسلانکەنای ئەڵمانیا قەدەغەکرا، ئەمرۆ بە بەشداربوونی دەیان هەزارهاووڵاتی گردبوونەوەی دۆسڵدۆرف دەستیپێکرد. دەیان هەزار هاووڵاتیی کورد لە شارە جیاوازەکانی ئەوروپاوەپاوە ئەمڕۆ خۆیان گەیاندە دۆسڵدۆرف و بەشداری گردبوونەوە بۆ ئازادیی رێبەر عەبدوڵڵا ئۆجەلانعەبدوڵڵا ئۆجەلان لە شاری دۆسڵدۆرفی ئەڵمانیا بوون.[4]
- وەزارەتی دەرەوەی ئێران باڵیۆزی عێراقی لە وڵاتەکەی بانگهێشت کردووه و پەیامێکی ناڕەزایی توندی پێداوە لەسەر ئه و روداوانەی کە لەشاری بەسڕە رویداو بەهۆیەوە هێرشکرایە سەر کونسڵخانەی تاران لەوشارە، ئەوەش بەپێی هەواڵێک کە ئاژانسی ئاڕتی روسی بڵاویکردووەتەوە.[1]
- ئاژانسی هەواڵی فارس نیوز ئەمڕۆ بڵاویکردەوە: بەتۆمەتی پەیوەندییان بە گروپە چەکدارییەکان و ئەنجامدانی کردەوەی تێکدەرانە لە رۆژئاوای ئێران زانیار و لوقمان مورادی و رامین حسێن پەناهی لەسێدارەدراون.[1]
- رێکخراوی ئەمنستی ئینتەرناشناڵ رایگەیاند حەپەساوین بە لەسێدارەدانی هەریەک لە زانیار و لوقمان مورادی و رامین حوسێن پەناهی لەلایەن دەسەڵاتی ئێرانەوە.[5]

#رامین حسێن پەناهی | #زانیار موڕادی | #لوقمان موڕادی | #حیزبی دیموکراتی کوردستان | #کۆیە | #مستەفا مەولودی | #خالید عەزیزی | #سیدەکان | #حاجی ئۆمەران | #بزووتنەوەی ئیسلامی | #پێشمەرگە | #خورماتوو | #کفری | #داعش | #خانەقین | #حەشدی شەعبی | #یەکێتیی نیشتمانیی کوردستان | #پارتی دیموکراتی کوردستان | #سلێمانی | #هەولێر | #پەکەکە | #ئامێدی | #کەرکوک | #هێرۆ ئیبراهیم ئەحمەد | #شاناز ئیبراهیم ئەحمەد | #قامیشلۆ | #پاوە | #عەبدوڵڵا ئۆجەلان |

باکووری کوردستان
- مەجلیسی ژنانی هەدەپەهەدەپە دەربارەی لەسێدارەدانی چالاکانی سیاسی کورد ڕامین حسێن پەناهیڕامین حسێن پەناهی، لوقمان مورادیلوقمان مورادی و زانیار مورادیزانیار مورادی کە لە لایەن ڕژیمی ئێرانەوە لە سێدارە دران بەیاننامەیەکی بڵاوکردەوە و لەسێدارەدانی ئەو 3 چالاکە کوردەی شەرمەزارکرد.[5]
- هاوسەرۆکایەتیی کۆنسەی بەڕێوبەری کۆما جڤاکێن کوردستان- کەجەکەکەجەکە، لەسێدارەدانی سێ چالاکوانی سیاسیی کورد و هێرش بۆ سەر کۆیەی شەرمەزارکرد و ڕایگەیاند، کە ئێران بەو کردەوانە کێشەکان قووڵتر دەکات.[3]
رۆژهەڵاتی کوردستان
- ئێران تەرمی شەهیدان لوقمان مورادی و زانیار مورادی ناداتەوە و لە تاران بەخاکیان دەسپێرێت.[4]
- سەرۆکی فیدراسیۆنی زیندانیانی سیاسی رۆژهەڵاتی کوردستان رایدەگەیەنێت: زیاتر لە 10 هەزار کەس لە کوردانی رۆژهەڵاتی کوردستان لە زینداندان و 15 زیندانی دیکەش سزای لەسێدارەدانیان بۆ دەرچووە.[1]
باشووری کوردستان
- تەرمی شەهیدانی کۆیە لە گۆڕستانی حیزبی دێموکرات لە کۆیە بەخاک دەسپێردرێن.[4]
- لە پێش نیوەڕۆی ئەمڕۆوە پرسەی شەهیدانی سێدارە زانیار مورادی لە ماڵی دایکی زانیار لە گەڕەکی قوڕە ڕەش لە شارۆچکەی پێنجوێنپێنجوێن-ی سەر بە پارێزگای سلێمانیسلێمانی بەڕێوەچوو.[3]
- فڕۆکە جەنگییەکانی دەوڵەتی تورکیا چیاکانی دەرووبەری شارۆچکەی ئامێدیئامێدی بۆردوومان دەکەن. لەم هەفتەیەدا سێیەم جارە تورکیا ناوچەکانی شارۆچکەی ئامێدی بۆردووماندەکات.[4]
- لە کاتژمێر 12:30 خولەکەوە تۆپخانەکانی ئێران ئەمڕۆبەچڕیی کوێستانی شیوەدز لە دەڤەری برادۆست-ی سەر بە پارێزگای هەولێرهەولێر تۆپباران دەکات. بەهۆی تۆپبارانەکەوە چەندین دانیشتوانی ئەو ناوچەیە ماڵی خۆیان جێهێشتووە ئاوەرەی سیدەکانسیدەکان و گوندەکانی نزیک لە سیدەکان بوون.[5]
- فڕۆکەیەکی سیخوڕیی بە ئاسمانی شارۆچکەی کۆیەی سەر بە پارێزگای هەولێردا دەسوڕێتەوە، بەڵام دیار نییە، کە فڕۆکەی چ وڵاتێکە.[3]
- لە شاری سلێمانی بە گردبوونەوەیەکی جەماوەری ئیدانەی هێرشە موشەکییەکەی ئێران بۆ سەر بارەگاکانی حزبی دیموکراتی کوردستان (حدک) و حزبی دیموکراتی کوردستانی ئێران (حدکا) ل کۆیە و لەسێدارەدانی هەر سێ زیندانی سیاسی کورد ڕامین حسێن پەناهیی و زانیار و لوقمان مورادی کرا.[3]
- بۆرییەکی گواستنەوەی نەوت لەنێوان کەرکوککەرکوک و شارۆچکەی دوبز (رۆژئاوای کەرکوک) تەقێندرایەوە، لەکاتی هەوڵدان بۆ کوژانەوەی ئاگرەکەیش بۆمبێکی دیکە بەکارمەندانی کۆمپانیای نەوتی باکور تەقیوەتەوە.[1]
- بەرپرسی مەڵبەندی 16ی حەمرینی یەکێتی لە خورماتووخورماتوو رایگەیاند، هێزەکانی بەرپەرچدانەوەی خێرا خورماتوو جێدەهێڵن و لەجێگەی ئەوان لیوایەکی سوپای عێراقی جێگیردەبێت. گوتیشی: لەسەر ئەو باڵەخانەیەی هێزەکەی تێدا بووە، کێشە دەکەوێتە نێوان یەکێتی و لیوای 52ی عێراقی.[2]
- بە نوسراوێکی هەڵواسراو لە ناو بەڕێوبەرایەتیی پەروەدەی کەرکوک، داوا لە مامۆستایان و فەرمانبەرانی حکومەتی عێراقی کراوە، کە مامەڵەی یاسایی بکەن بۆ وەرگرتنی زەوی، واتا زەوی تەنیا بەسەر ئەو مامۆستایانەدا دابەش دەکرێت، کە سەر بە وەزارەتی پەروەردەوەزارەتی پەروەردەی عێراق-ن و مامۆستایانی سەر بە وەزارەتی پەروەردەی حکومەتی هەریمی کوردستان لێی بێبەشن، ئەمەش نیگەرانیی مامۆستایانی خویندنی کوردیی لێکەوتووەتەوە.[3]
- دوای ئەوەی ئەمشەو ژمارەیەک دوکانی تەجاوز لە نزیک تێرمیناڵی شارەزوورشارەزوور لەلایەن شارەوانی سلێمانییەوە روخێنران، دوکاندارەکان و کەسوکاریان خۆپیشاندانیان دەستپێکرد.[1]
- مینێک لە گوندی چالە دوانەی سەر بە شارەدێی قادر کەرەمی شارۆچکەی چەمچەماڵچەمچەماڵ تەقیوەتەوە و تێیدا گەنجێک بەناوی (ئ، ع، س) لەدایکبووی 1994 گیانی لەدەستداوە. بەپێی زانیارییەکانی پەیامنێرمان، گەنجەکە پیشەی شوان بووە و سەرقاڵی لەوەڕاندنی مەڕو ماڵاتەکەی بووە، کاتێک کە مینەکە پێیدا تەقیوەتەوە.[6]
- وتەبێژی کۆمسیۆنی باڵای سەر بەخۆی هەڵبژاردن و راپرسی هەرێم رایگەیاند: کاتژمێر 12ی شەوی 11-09-2018، بانگەشەی هەڵبژاردن بۆ پەرلەمانی کوردستان دەستپێدەکات.[4]
- لقی سلێمانی سەندیکای رۆژنامەنووسانی کوردستان لەمەراسیمێکدا رێزی لە رۆژنامەنووس و نووسەر و ئەرشیڤیستی ناوداری کورد جەمال خەزنەدارجەمال خەزنەدار گرت.[6]
رۆژئاوای کوردستان
- بە گوێرەی هەواڵی ئاژانسی ئانها، شەوی ڕابردوو چەتەکانی ئەحراری شام هەڵیانکوتاوەتە سەر گوندی کەفەر شلە-ی سەر بە ناوەندی شاری عەفرینعەفرین و 10 هاوڵاتیی سیڤیلیان ڕفاندووە کە لەنێویاندا ژن و منداڵ هەیە. ناوی ئه و کەسانەی کە ڕفێنراون: حەسەن مانان مستەفا (45 ساڵان)، ئیسماعیک مەنان مستەفا (43 ساڵان)، سوبحی مەنان مستەفا (40 ساڵان)، مستەفا خەلیل عەبدولڕەحمان (25 ساڵان)، مەزڵووم ئەحمەد مستەفا (25 ساڵان)، عیسمەت ڕەشید مدەوەر (30 ساڵان)، فەرهاد مستەفا (17 ساڵان)، ئەحمەد حەسەن مستەفا (16 ساڵان)، مەنان ئیسماعیل (15 ساڵان) و عەبدۆ خەلیل عەبدولرەحمان (18 ساڵان).[5]
- بە گوێرەی هەواڵێکی ئاژانسی ئانها، ئەمڕۆ دانی نیوەڕۆ لە نزیک هۆڵی ژن لە شەقامی فل-ی ناوەندی شاری عەفرین تەقینەوەیەکی گەورە ڕوویداوە.[5]
دەرەوەی کوردستان
- ئەمڕۆ 34 ساڵ تێدەپەڕێت بەسەر کۆچی دوایی شۆڕشگێڕ و سینەماکاری ناوداری کورد یڵماز گونەی. به و بۆنەیەوە لەسەر گۆڕەکەی خۆی لە گۆڕستانی پێرلاشز لە پاریس مەڕاسیمێک بەڕێوەچوو.[5]
- بەگوێرەی میدیاکانی تورکیا، درەنگانی شەوی رابردوو کاروانێکی سەربازیی کە لە تانک، زریپۆش، چەکی قورس، ئۆتۆمبێل، ئامێر و کەرەستەی سەربازیی پێکهاتبوون، وەک هێزی پشتیوانی بۆ یەکەکانی سەر سنووری سووریا رەوانەکران و گەیشتنە پارێزگای کلیس. کاروانە سەربازییەکە لە شارە جیاوازەکانی تورکیاوە بەگرتنەبەری رێوشوێنی ئەمنی توند، گەیشتنە کلیس و رەوانەی دەروازەی سنووریی ئۆنجوپنار کران. پاشان پەڕینەوە ئەودیوی سنووری سووریا.[2]
- وەزارەتی دەرەوەی عێراق لەبارەی بۆردوومانەکانی دوێنی بارەگاکانی حیزبی دیموکراتی کوردستان (حدک) و حیزبی دیموکراتی کوردستانی ئێران (حدکا) لە کۆیەکۆیە، بەیاننامەیەکی بڵاوکردەوە و رایگەیاند بەزاندنی سەروەریی عێراق رەتدەکەینەوە.[1][2]
- سوپای پاسداران وردەکاریی هێرشەکەی سەر بارەگای حدک و حدکا بڵاودەکاتەوە و رایدەگەیێنێت لە هێرشەکەدا 7 مووشەکی زەمین بە زەمینی مەودا کورت بەکار‌هێندراوە و ئۆپەراسیۆنەکە بە سەرکەوتوویی کۆتایی هاتووە. سوپای پاسداران هەروەها هۆشداریی دەداتە گرووپەچەکدارەکانی دژی ئێران، ئەگەر چالاکییەکانیان دووبارەبکەنەوە، وەڵامێکی سەختترمان بۆیان دەبێت.[2]
- راوێژکاری رێبەری باڵای کۆماری ئیسلامی ئێران بۆ کاروباری سەربازی رایگەیاند، ئەگەر سووریا بۆ رووبەڕووبوونەوەی ئەمریکا لە رۆژهەڵاتی وڵاتەکەی پێویستی بە هاوکاری بێت، ئێران هاوکاری سەربازی دەکات.[2]

#هەدەپە | #ڕامین حسێن پەناهی | #لوقمان مورادی | #زانیار مورادی | #کەجەکە | #پێنجوێن | #سلێمانی | #ئامێدی | #هەولێر | #سیدەکان | #کەرکوک | #خورماتوو | #وەزارەتی پەروەردە | #شارەزوور | #چەمچەماڵ | #جەمال خەزنەدار | #عەفرین | #کۆیە |

دوڕۆژ، کۆچەر عەلی
بەڕێوەبەری گشتی رێگاوبانی هەرێم ئاشکرایدەکات، کۆمپانیایەکی ئەهلی داوایکردووە پڕۆژەی جوودسایدی هەولێرهەولێر - کۆیەکۆیە لەسەر ئەرکی خۆی بە قەرز قیرتاو بکات، دەشڵێت بۆ فراوانکردنی رێگای کۆنی کۆیە داوای چوار ملیار دیناریان لە ئەنجومەنی وەزیران کردووە و بەمزووانە پارەکە دابیندەکرێت.
هونەر نوری، بەڕێوەبەری گشتی رێگاوبانی هەرێم بە دواڕۆژی راگەیاند، بەهۆی قەیرانی دارایی لەئێستادا حکومەت بڕی بودجەی پێویستی لەبەردەستدا نییە پڕۆژەی دروستکردنی جوودسایدی هەولێر- کۆیە تەواوبکات.
وتیشی، کۆمپانیایەکی ئەهلی خۆماڵی داوایەکی ئاڕاستە کردووین، کە لە سەر ئەرکی خۆی بەقەرز پڕۆژەی جوودسایدەکە تەواو دەکات، پێدەچێت لە ماوەیەکی نزیکدا دەست بە کارەکانی بکات.
هونەر نوری، ئاماژەی بەوەشکرد، بۆ کەمکردنەوەی رووداوەکانی هاتووچۆ لە رێگای کۆنی هەولێر – کۆیە بڕیاردراوە دوو مەتر لە هەردوو لای شەقامەکە فراوان بکرێت بۆ ئەمەش داوایەکیان ئاڕاستەی ئەنجومەنی وەزیران کردووە بۆ دابینکردنی بڕی چوار ملیار دینار کە بەمزووانە پارەکە دابیندەکرێت و دەستدەکرێت بە فراوانکردنی شەقامەکە.
بەهۆی یەک سایدی شەقامی هەولێر- کۆیە بەنزيکەيی رۆژانە رووداوی هاتووچۆ روودەدات و بەوهۆیەوە چەندین هاوڵاتی گیانیان لەدەستداوە.[1]
11-07-201811-07-2018

#هەولێر | #کۆیە | #11-07-2018 |

ئاسکی کۆيە، گوندێکە سەر بەناوەندی شارۆچکەی کۆيەی شاری هەولێر.

ئامادەيی کۆيەی کچان-ساڵی 1978

10-12-1990 کۆمەڵێک خوێندکار و بەڕێوبەری ئەوکاتی ئامادەیی کۆیەی کوڕان مامۆستا (نوری عەبدوڵڵا فەتحوڵڵا).

بەرێوەبەرایەتی بەرگری شارستانی کۆیەکۆیە ئاماری رووداوەکانی شەش مانگی رابردووی بڵاوکردەوە.
ڕۆژی 3-7-2019، 3-7-2019، لە کۆنگرەیەکی رۆژنامەوانیدا، بەرێوەبەرایەتی بەرگری شارستانی کۆیە ئاماری رووداوەکانی شەش مانگی رابردووی خستەڕوو و رایگەیاند: لەماوەی شەش مانگی رابردووی ئەمساڵدا، 24 رووداوی لافاو و 270 ئاگر کەوتنەوە لە سنووری بەڕێوەبەرایەتی بەرگری شارستانی کۆیە تۆمارکراوە.
راشیگەیاند: سەرجەم رووداوەکان لە لایەن تیمەکانیانەوە خەمڵاندنی ماددیان بۆ کراوە و دووسەد و سی ملیۆن دینار زیان لە دانەویڵە و رەز و باخی هاوڵاتیان کەوتووە بەهۆی کەوتنەوەی ئاگر.[1]

#کۆیە | #3-7-2019، |

خەندان- دانا جلال
بەپێی ئامارێک کە لە شوێنە گەشتیاریەکانی سنوری شارۆچکەی کۆیە وەرگیراوە تەنها لەم سێ رۆژەی جەژندا زیاتر لە 15 هەزار گەشتیار رویان لە شوێنە گەشتیاریەکانی سنوری شاری کۆیە کردووە.
شاری کۆیەش چەند جێگایەکی هەیە بۆ ئاسودەبونی گەشتیاران و بەسەربردنی کاتێکی خۆش
جێگاکانیش بریتین لە: هاوینەهەواری کۆسار لەسەر چیای هەیبەت سوڵتان،پارکی مەڕبێنە قەدیشە، هاوینەهەواری چنارۆک، پارکی گەشتیاری سایە لە تەق تەق، کەپرە گەشتیاریەکانی کڵێسەوبۆگد.
ماوەیەکە کۆیە لەڕووی گەشتیاریەوە گرنگیەکی زۆری پێدەدرێت ئەم ڕێژەیەش لەچاو ساڵانی رابردوو زۆر زیادی کردوە خەڵکیکی زۆر بۆ شوێنە گەشتیاریەکان ڕووی تێدەکەن
- 11-08-2013

داناجەلال
لەشەش مانگی رابردوو (267) ڕووداوی‌ ئاگر کەوتنەوە لە کۆیە روویانداوه و بەوهۆیەوە پێنج هاوڵاتی‌ و سوتاون و (515) دۆنم زەوی‌ لە پوش وپاوان سووتاون و زیانەکانی ئه و ئاگرانەش بەزیاتر لە 120 ملیۆن دینار مەزەندە دەکرێن.
عەمید محەمەد سەعید، بەڕێوبەری‌ بەرگری‌ شارستانی‌ قەزای‌ کۆیە ڕایگەیاند، " لە سەرەتای ئەمساڵەوە تا کۆتایی مانگی شەش، لەسنوری‌ قەزای‌ کۆیە (267) ڕووداوی‌ جۆراوجۆری ئاگرکەوتنەوە ڕوویانداوە کە (19) هاوڵاتی‌ به و هۆیەوە گیانیان لەدەستداوه و بریندار بوون.
وتیشی: پێنجیان گیانی‌ لەدەستداوە کەیەکیان ئافرەت بووە ئەوانی دیکەش برینداربوون بەهۆی رووداوەکانی ئاگرکەوتنەوە.
عەمید محەمەد سەعیدئەوەشی راگەیاند، "بەهۆی‌ ئاگرکەوتنەوەکان (515) دۆنم زەوی‌ لە پوش وپاوان سوتاون، هەروەک زەرەری ئاگرکەوتنەوەکان بە (118) ملیۆن و 215 هەزار دینار لەگەڵ (105) هەزارو 700 دۆلار مەزەندە کراون.
بەڕێوبەری‌ بەرگری‌ شارستانی‌ قەزای‌ کۆیە ئەوەشی خستەڕوو، "لەشەش مانگی‌ ڕابردوو زۆرترین روداوەکان لەمانگی‌ شەشدابوون کە ژمارەیان گەیشتۆتە (112) ڕووداوی‌ جۆراوجۆر.
- 09-07-2014

ئاهەنگی تیپی مۆزیکی مەولەوی لە شاری کۆیەکۆیە ساڵی 1957، داهاتی ئەم ئاهەنگە بۆ یارمەتی قوربانیانی لافاوەکەی ساڵی 1957ی شاری سلێمانیسلێمانی بوو.

#کۆیە | #سلێمانی |