موئەیەد تەیب زمانناس، هەلبەستڤان و ڕۆژنامەوانەکە کوردە. ل سالا 1957 ێ ل باژێرێ #دهۆک#ێ ل دایکبوویە. هەر ل باژێرێ دهۆکێ خواندییە و پاشێ ل ساڵا 1982یێ نەشیایە خواندنا خوە ل زانکۆیا بەغدایێ دوماهیک بینیت، ماوەیەکێ پێشمەرگاتی کرییە و ل هەمبەری ڕژێما بەعس تێکۆشایە. پاشێ وەڵاتێ خوە ب جی دهێلیت و ل ساڵا 1983یێ ل وڵاتێ #سوید# ئاکنجی دبیت. ئو ل ساڵا 1984یای ڤە دەست ب نڤیسینا هەلبەستان کرییە، هەلبەست و بەرهەمێن ڤی یێن ئەدەبی ل پتری ڕۆژنامە و گۆڤارێن کوردیدا هاتینە بڵاو کرن. بەشداری ل گەلەک میهرەجانێن ئەدبی کرنە، ئەندامێ یەکەتیا نڤیسکارێن کورد بوویە ل باشوورێ کوردستانێ، نها ژی ئەندامێ یەکەتیا نڤیسکارێن کوردە ل سویدێ. کو دیوانەک ژ هەلبەستان ژی بۆ ڤی چاپ کرنە. هەر وسا موئەیەد تەیب نها ڕێوەبەرێ وەشانخانا “سپیرێز”ە. [1]
$نموونەیەک ژ هەلبەستا ڤی$:
نە با من سوار دکەت، نە ئاخ من پەیا دکەت
ئەز تاکەبەلگێ زەر و پێتی مە
ڤێ پاییزا دەرەنگ
ب گولپێن ڤێ دارێ ڤە ماییم
نە با
من سوار دکەت
نە ئاخ
من پەیا دکەت
رۆژێن کورت و تاری
شەڤێن ڕەش و بێداوی
وەک کۆرەمارەکی
د گەردەنا من ئالیایی نە و
ئەز مرم بۆ
فرەکا بای و
چەنگەکێ ھەتاڤێ
“مرنێ، تو ل کویی ژیانێ
ئەز کوشتم” (هەژار موکریانی)
د سەر چیایان ڕا
د سەر دەریایان ڕا
وەک بایێ بازێ
خەنجەرەکا د هاوارا من تێ
بنێ وێ د دەستێ مەتینی دە
سەرێ وێ ل سەر دلێ من
گازیێن نالبەندی و شکۆیێ حەسەن
ڤێ نیڤشەڤێ
د جانێ من دە دەنگ ڤەدحدەن
نەترسە
نائێشیت نائێشیت
هۆ کەوێ مەتینی
هۆ پێلیستانکا ئەلەگەزی
ئەز و ئێش هەڤالجێمکن
ئەم د ڕۆژەکێ دە ژ دایک بوونە
مە شیرێ یەک سینگی خواریە و
د یەک همبێزێ دە مەزن بوویینە
ئێش پیستێ منە
ئێش خوینا منە
ئێش عەمرێ منێ بهۆری و
پێشەڕۆژا منە
هەر جارەکە ئەم ڕاستا هەڤ تێن
د همبێزا هەڤ دە دگرین
ئەز نە پێتۆسم و
ژ ئێشێ ناترسم
لێ من
د دانگا کێلیا شەدایێ
ل ڕاستا گێژەبەرا
سێ چار وەریسا دوور
ژ کۆرا شمکزەرا
پیرە داییکەک هەیە
مەرگێ سێ کورێن خوە دیتییە
هاوار
دەستێ من ناگریت
بکەمە چار…