- کاتژمێر 0.15 و 7.00ی بەیانی هێزەکانی ئامریکا لە دەریای سوورەوە بنکەکانی ئەنسارولئیسلام و کۆمەڵەی ئیسلامییان لە هەورامان ڕۆکێت بارانکرد. بەپێی هەواڵەکانی ینک ڕۆکێتەکان لە جۆری تۆما هوک بوون و ژمارەیان لە 100 دانە زۆرتر بووە و دەیان کوژراو و برینداریش لە ئیسلامییەکان هەن.
- ئەنسارولئیسلام ئوتومبیلێکی مینکراویان لە بازگەی گردی گۆ تەقاندەوە و بووە هۆی کوژرانی ڕۆژنامەنووسێکی ئۆسترالی بەناوی پۆل موران و دوو پم و بریندارکردنی چەند کەسێکی تر. ئەم ڕووداوە لەلایەن لەلایەن گەنجێکی سعودییەوە بەناوی عەبدولعەزیز سعود ئەلغەرییەوە ئەنجامدرا و خۆشی کە تەمەنی 22 ساڵ بوو لە هێرشەکەدا کوژرا.
- سەرچاوە عەرەبییەکان ڕایانگەیاند کە چەند هێزێکی تورک هاتووەتە باشووری کوردستانەوە، بەڵام هوشیار زێباری لە کۆنگرەیەکی ڕۆژنامەوانیدا ڕایگەیاند کە هیچ هێزێکی تورکی سنووری نەبەزاندووە.
- ئەڵمانیا ڕایگەیاند: ئەگەر هێزەکانی تورک بچنە باشووری کوردستانەوە ئەوا هەموو هێزەکانی خۆی لە تورکیا دەکێشێتەوە. ئەو هێزانە بەشێکن لە هێزە هاوبەشەکانی ناتۆ لە تورکیا.
- هێرشی ینک بە پاڵپشتی ئامریکا بۆسەر ئەنسارولئیسلام لە هەورامان، لە ئەنجامدا هەورامان ڕزگارکرا و ئەنسارولئیسلام ژمارەیەکی زۆر کورژراو و دیل و برینداریدا و 25 کەسیش لە ینک کوژرا.
کوردیپێدیا، ڕۆژانە (بێلایەنانە) مێژووی کوردستان تۆماردەکات... 大事年表