ناڤێ وی یێ دروست تەحسین ئیبراهیم ئەحمەد دۆسکی یە.
ل 25-06-1970 ل باژێرێ دهوکێ هاتیە سەر دونیایێ.
خواندنا خو یا سەرەتایی و ناڤنجی و ئامادەیی ل دهوکێ ب دویماهیک ئینایە.
دەرچویێ کولیژا زانستێن ئیسلامی / پشکا ڤەکولینێن ئیسلامی ل زانکویا بەغدایە ل سالا 1991 .
ئیجازەیا زانینێن شەرعی و علمێ حەدیسێ هەیە.
ل سالا 1988 دەست ب بەلاڤکرنا نڤێسینێن خو کریە و گەلەک گوتار و ڤەکولین د روژنامە و گوڤارێن کوردی و عەرەبی دا ل کوردستانێ و عیراقێ و ژدەرڤە بەلاڤکرینە.
ژ سالا 1991 وەرە هەتا نوکە ماموستایێ زمانێ عەرەبی و پەروەردەیا ئیسلامی یە ل باژێرێ دهوکێ.
ل سالا 1992 پشکداری ددەرئێخستنا گوڤارا (ڕاستەڕێ) یا هەیڤانەدا کریە ، کو ب زمانێ کوردی و عەرەبی ژلایێ لقا دهوکێ یا زانایێن ئاینێ ئیسلامێ دەردکەفت.
نڤێسین و ڤەکولین و تەحقیقێن وی ب زمانێ کوردی و عەرەبی نە ، ل دور بابەتێن ئاینی هەروەسا دیروک و ئەدەبێ کلاسیکی یێ کوردی ، و شعر و چیروک نڤیسینە ، و ب کارێ وەرگێرانێ ژی ژ کوردی بو عەرەبی و ژ عەرەبی بو کوردی رابوویە.
ژ سالا 1993 پشکداری دبەلاڤکرنا بەرنامەیێن ئەدەبی و دینی دا ل رادیو و تەلەفزیوونان دا کریە ، وەکی: رادیو و تەلەفزیوونا دهوک ، سەتەلایتا کوردستان ، کەنالێ ئەلعراقیە ، کورد1 ، و هتد....
کتێبێن وی ل کوردستانێ و تورکیا و عەرەبستانا سعودیێ و لبنانێ و ئیرانێ چاپبووینە ، و هەتا نوکە سەد و شەش کتێبێن وی یێن چاپکری هەنە.
ل سالا 1995 - 2003 سەرنڤیسکارێ گوڤارا (ڤەژین) بوو ، ئەوا ب زمانێ کوردی و عەرەبی دەردکەفت.
پشکداری دهژمارەکا کونگرە و سەمپزیۆم و پەنەلێن دینی و ئەدەبی دا کریە ل کوردستانێ و ژ دەرڤەی کوردستانێ.[1]