بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$یاران دېوانە$
یاران دېوانە، یاران دېوانە
ئەبلەە کەسێوەن شێت و دېوانە
چی دونیای فانی بسازۆ یانە
بە ئاوایش وانۆ ماوای وېرانە
دونیا مەنزڵێن وېرانە، فانی
یانەش نەدان ساز کەس جە وېرانی
یاران هەر مەسکەن وېرانە زێد بۊ
ئەبلەه ئەو کەسەن بەوش ئومێد بۊ
هەرکەس عاقڵ بۊ چەنەش چی نیشۆ؟
ڕەنجی بێ حاسڵ پەی دونیای کېشۆ
هەر ئێد خاستەرەن بگنۆ نەڕای
تا یاوۆ وەلای ئەبەد ماوای
عاقڵانی دەور قەدیم ئەیامان
یانەی دونیاشان وێنەی «پُل» فامان
هەرچەند بمانی نەو ڕاگوزەردا
حاسڵش ئێدەن، بشیش وە سەردا
ئەر کەسێو نەبۊ وێڵ و دېوانە
وەبانی پولدا کەی کەردەن یانە
دونیا شارۍوەن چوون قەدیم شاران
ساکنەن تێشدا هەزار هەزاران
وەلێ کەس جاوید چەنەش نەمەندەن
هەر پەنج ڕۊ کەسێو چاگەنە بەڼەن
نە ئارامێ هەن، نە هۆو قەرارێ
جەی شار بەرمەشان هەررٌو هەزارێ
مەویەران بە جەخت یاران بە «پُل»دا
گشت مەبانی پێوار جە خاک و خۆڵدا
پەیاپەی مەشان یاران بەو ڕاوە
یەکێ نمارۆ سەر بە دماوە
عەقڵی تۊ پېسەن ئی دونیای فانی
کەس تێش نەمەندەن، تۊ چەنەش مانی
مەشغوڵ بە کاو گڵ، یانە مەسازی
سەفەرێ سەختەن، دوورو درازی
شێتا فیکرو تۆ، خەیاڵت پووچەن
خەیاڵ هەر سەفەر کارسازی کۆچەن
وەس لیباسی شوغڵ دونیایی پۊشە
ڕای سەفەر دوورەن، پەیدا کەر تۆشە
گا نە فیکری حیرس جەمعی ماڵەنی
گاه پەرێ مەنسەب نە خەیاڵەنی
گاه چەنی فورزەند شادی و زەوقتەن
گاه پەرێ دیدار یاران شەوقتەن
کەللەی سەر جە کار دونیا کەر خاڵی
کاتێ مەزانی شادی بەتاڵی
ئۊسا مەزانی ئەجەل تۆش دا گیر
پاش نیای نە دام سیلسیلە و زەنجیر
دەروون پوڕ حەسرەت، خاتر پەرێشان
دوور کەفتی جە ئەهل، جە قەوم و خوېشان
نە ماڵ نە فورزەند، ناما بە کارت
تۆ مەندی نە قەبر کۆی عوسیان بارت
ئۊسا جەو دما، واحەسرەتا بۊ
تا یاگەی نیشتەی، نە بەرئامات بۊ
کەردەی زشتی وېت وەنەت بی دوچار
یا واردیش چوون وەرگ، یا گەستیش چوون مار
گیرۆدەی کردار فیعلی زوشتی وېت
بێ تۆشە و بێ زاد، خاڵی موشتی وېت
«عاصی»و ڕو سیا، گوناهکاری وېت
گورفتار قەبر تەنگ و تاری وېت
غەرقی گێجی بەحر سیاسەتی وېت
شەرمەندە و ڕوو زەرد قیامەتی وېت
«یا غافِر الذَّنب» سڕ پۊشی «سەتتار»
بویەر جە جورمی سەیدی خەتا کار
[1]