دولبەر

ڕاسەن دڵت چەنەئەسانا، بەڵام چی ڕەنجنیش، جەورش مڎەی، ئا گرد زوڵمە، خۊ کافرسانی نېیەن. من دڵم پېسە ئەمانەتێ و یادگاریێ لاتۆ نیانەرە، تۊیچ تەرسەو خوڎایت دڵەنە بۊ، ئەپی حاڵمەوە ئامانۍ سەرەڕات، سڵامم کەرد، نەساتۆ، چڵێ ڕېحانم دەپەنە، منیچ گېیانم مڎۆت پەنە، چی مامەڵەنە زەرەرم نېیەن.
نزیکو سەرەمەرگیمەن، سەرێما دە وەنە، خۊ کافرسانی نېیەن.


دوڵبەر دڵ ئەستانای جه من، شەرت ئی دڵستانی نيۊ
جەورش مەدەی، ڕەنجش مەکەر، خۊ کافرستانی نيۊ
شەرتەن بکېشۊ دڵ جەفات، با يادگار مانۊ جه لات
تۊ بۊت نه دڵ، خۊفی خودات، خۊ کافرستانی نيۊ
ئامام نه ڕات پی جەستەوه، گېرەم سڵۊم چيت نەستەوه
پی حاڵی جەستەی خەستەوه، خۊ کافرستانی نيۊ
هەی نەونەمامی باغی دڵ، پەی تۊ سيان بەيداخی دڵ
سا مەرهەمێ پەی داخی دڵ، خۊ کافرستانی نيۊ
هەی ڕەندی توحفەی نازەنين، خاڵت جه عەنبەر، گوڵ جەمين
سا مەرهەمێ، دەر پەی برين، خۊ کافرستانی نيۊ
بيمارو تۊم، حۊر و پەری، ئەر خواهېشەن، ئەر سەر سەری
شەرتەن عەيادەتمان کەری، خۊ کافرستانی نيۊ
دا دەم پەنه، چڵێو «ڕيۊن» قيمەتشەنه، سۊنەم گيۊن
چی مامەڵه مەگنەم زيۊن، خۊ کافرستانی نيۊ
وېڵ وېڵ مەگېڵام کۊ به کۊ، دەردم گران بی، ڕۊ به ڕۊ
سا حاڵو دەرديم پەرسه تۊ، خۊ کافرستانی نيۊ
تەرک‏و وڵاتيت کەردمۆ، ژاراۋو دووريت وەردەمۆ
پەرسه به حاڵی دەردەمۆ، خۆ کافرستانی نيۆ
عوريان‏و کەڵپۊش، شەيداو بيابان گێېڵەنۆ
دا پەرسه پەی کێ وېڵەنۆ، خۊ کافرستانی نيۊ
ئەر شەرت‏و بەينت ويرتەن، خۊف‏و خوڎا و پيرتەن
بۊ لام، ئەگەرچی دېرتەن، خۊ کافرستانی نيۊ
يام باره تەشريف يانەمۆ، يا دوورۆ پەرسه حاڵمۆ
تەرسه هەناسەی کاڵمۆ، خۊ کافرستانی نيۊ
قەومان، خوېشان، هامسەران، لۊمەو مەنامان چی کەران؟ !
خاسەن تەئەسوفمان وەران، خۊ کافرستانی نيۊ

«صەيدی» گرانۆ ئەلويداش، هيجران مەدۊ هەردەم جەفاش
هەی پەی خوڐای بەيدێ وەلاش، خۊ کافرستانی نيۊ.[1]