#بېسارانی#
چراغم نە دڵ، چراغم نە دڵ
دڵ پڕ ئایېرەن، بۊ وەس شۊ نە دڵ
نازکتەرەنی تۊ جە پەڕەی گوڵ
نەداری تاقەت، زوڵف بۊ سونبوڵ
دڵ ئاﮪ مەکیشۊ، گڕ مەیۊ وەبەر
نەبا نیشەڵڵا، پېت یاوا زەرەر
تێدا مەنیشە هەی بەرگوزیدە
بۊ با جات کەرۊ وە بانی دیدە
موژەم هەم دەردەم کەرۊت وە پەرچین
تا لێت نەیاوۊ ناواکی بەدبین
ئەوسا تەماشای سەرجۊی ڕەوان کەر
باڵات وېنەی نەی دەستەنیشان کەر
عەجەب یاگەتەن نەمامی وایەم
پایە بڵند بای پەرۍ سەر سایەم
[1]