ناونیشانی بابەت: سیناریۆکانی بەردەم ئاییندە: ئێمە بەرەو کوێ دەچین!؟
ئامادەکردن: #بەهرۆز جەعفەر#

مەحمود دەروێش لە قەسیدەی (عصافير تموت في الجليل) دا، کە «مارسیل خەلیفە» کردوویەتی بە گۆرانی، دەڵێت: (إنني أرتشف القبلة، من حدّ السکاکين، تعالي ننتمي للمجزره!) واتە من لەوکاتەی چەقۆیەکیان هێناوە لێوم دەبڕنەوە، دەتوانم ماچەکە لەودیوەوە بهێنم و هەڵی لووشم، وەرە با بچینە قەسابخانە! ئەمە دێڕێکە بۆ سیاسییەکان و توێژەرەکانیش گرنگە. زۆر گرنگە بزانن لەکاتی تەنگانەو ئەو کاتانەی تیغەکان دێن، لەودیوی تیغەکەوە چی دەگوزەرێ؟! ئەمدیوی ئاسانە، هاووڵاتییەکی ئاسایی دەتوانێت باسی بارودۆخەکە بکات.
ئیدارەی ئەمریکا دەستبەرداری هەرێمی کوردستان { هەرێمی کوردستان} نابێت لەبەر چوار خاڵی سەرەکیی:
یەکەم: زیادبوونی هەژموونی دەریایی و ئاسمانی و زەمینی ئێران (لە ڕێگەی دەستگرتن بە پەتی شیعەگەراییەوە) لە ناوچەکە بەگشتی و بەتایبەتی لە ئێراقدا. بۆ خۆراوا ئاسانترە مامەڵە لەگەڵ هەرێمی کوردستاندا بکات نەک حیزبوڵای ئێراق و لوبنان.
دووەم: زیادبوونی هەژموونی چین لە ناوچەکە بەگشتی و ئێراق زۆر بەتایبەتی ( 40٪ ی نەوتی ئێراق ڕۆژانە چین دەیکڕێت) بە پێی دوایین ڕاپۆرتی ئۆیەڵ پرایس- Oil Price کە سایمۆن واتکینز SIMON WATKINS ئامادەی کردووە لەبەر ڕۆشنایی دوایین پەڕتووکی خۆی کە باسی کاریگەریی نەوت دەکات لە ئۆردەر و بازاڕی ئابووریی جیهانیی نوێدا، ئامادەگییەکانی «چین» لە ئێراق چەندین هێندە زیاتر دەکات لە ئاستی جیاجیادا.
سێیەم: پرسی کەمینەکان لە ئێراق و ناوچەکە کەوتۆتەوە بەر مەترسیی. لە دوای ڕووخانی سەدام حسێنەوە، زیاتر لە (500) هەزار کریستیان لە ئێراق نەماون یان لە جێگەی خۆیان هەڵکەنراون (بە پێی ئیندپێدت و ڕۆیتەرز و خودی کاردینال لوویس ساکۆ ژمارەی کریستیانیەکان لە ئێراق گەیشتوون بە 300 هەزار کەس) . بەهەمان شێوە کاکەکەییەکان لە ناوچە دابراوەکان، یەزیدییەکان لە ناوچەی شەنگال.
چوارەم: ئیدارەی ئەمریکا گەورەترین قونسوڵخانەو زیاتر لە سێ بنکەی سەربازیی و هەواڵگریی لە هەرێمی کوردستان هەیە. هاتنی گەورەترین وەفدەکانی ئیدارەی ئەمریکاو ڤی ئای پییەکانیان دەرخەری ئەو ڕاستییەیە.
ئەوەی سەرەوە، ڕاستییەکە. ڕاستییەکی دیکەش بەرانبەری هەیە؛ تا دێت هەژموونی ئێران لە ناوچەکەدا زیاد دەکات، ئەوەش بەرەنجامی ئەوەیە ئەمریکا چەند ساڵێکە گۆڕەپانەکەی بۆ ئێران بە جێهێشتووە؛ وەک خۆیان دەڵێن ئیدارەی ئەمریکا سەرقاڵە بە جەنگی ئۆکراین، پێشگرتن بە هەژموونی ئابووریی چین و مامەڵەکردن لەگەڵ هەڵاوسانی دارایی جیهانی. بۆیە ویلایەتە یەکگرتووەکان بەنهێنی و ئاشکرا لە مەسقەت و نیۆرک لە کۆبوونەوە و ڕێککەوتندایە لەگەڵ ئێران.
بەرەنجامی ئەم ڕێککەوتنانە پرسی کورد ناکات بە قوربانی ؟
لە ئێراق گۆڕانکاریی ڕوودەدات.. لە حەفتاکانی سەدەی ڕابردووەوە هەرکاتێک ئێراق ویستوویەتی دەست بۆ نۆژەنکردنەوە یان بوونیادنانی هێڵێکی نوێی وزە ببات شەڕێک یان گۆڕانێک ڕوویداوە { ئەگەرچی تاکە هۆکار پرسی وزەو لوولە نوێیەکان نەبووە}.
سیناریۆی بەهێز «قسەی ئەسەح» ئەوەیە سووننەکان بەهێز دەبنەوە. چوونکە بەمدواییە گازێکی زۆر لە ڕۆژاوای ئێراق دۆزراوەتەوە، بۆ ئەوەش سعوودییەو ئارامکۆ لە کارکردندان؛ وێدەچێ #بەعس# بێتەوە.
ئینجا سیناریۆی بەهێزتر لەمە «قسەی ئەسەح» ئەوەیە دەوڵەتی تورکیا زۆر زیاتر دەست لە شەنگال و #کەرکووک# وەربدات « میساقی میللی پڕۆژەی مەهەپە بوو» جگە لەوەش تورکەکان دەڵێن؛ هەڵەمان کرد لە (2017) کەرکووکمان بۆ ئێران چۆڵکرد! لەم بودجەیەدا هەر لە دیالەوە تا شەنگال کێڵگە نەوتیی و گازییەکانی هەرێم دەکەونە ژێر دەستی بەغدا {تاران} لەکاتێکدا ئەوە بە ملیارەها دۆلار زیان لە تورکیا دەدات!
تەوژمە هەرێمییەکان بە گووڕتر دەبن، بە ڕاستیی ئێران خوازیارە لە سنوورەکانی پاکستانەوە تا دەریای سپی شێوەی ئیمپراتۆریەتێک بینا بکات. هەوڵەکانیش لە بەردەمیدا زۆرن.
=KTML_Bold=کورد چۆن لەم یاریگایەدا دەردەکەوێت!؟=KTML_End=
[1]