زۆر کەس بەدەست نەخەوتنی باشەوە دەناڵێنن، بۆیە لەم بابەتەدا باشترین خواردن و خواردنەوەکان دەخەینەڕوو کە کوالێتی خەو باشتر دەکەن.
=KTML_Bold=بادەم=KTML_End=
لێکۆڵینەوەکان باس لەوە دەکەن کە خواردنی بادەم بە بەردەوامی پەیوەندییان بە کەمکردنەوەی مەترسی تووشبوون بە هەندێک نەخۆشی درێژخایەنی وەک شەکرە جۆری دووەم و نەخۆشییەکانی دڵەوە هەیە، ئەمەش بەهۆی دەوڵەمەندی بە چەوریی تەندرووست و ڕیشاڵ و دژە ئۆکسێنەرەوە.
هەروەها بادەم یارمەتیدەرە بۆ باشترکردنی کوالێتی خەو، بەو پێیەی سەرچاوەی هۆڕمۆنی میلاتۆنین کە کاتژمێری ناوەوەی جەستە ڕێکدەخات و یارمەتیی دەدات بۆ ئامادەکاری بۆ خەوتن.
بادەم سەرچاوەیەکی نایابی مەگنیسیۆمە، 28 گرام بادەم لە سەدا 19ی پێویستی ڕۆژانە دابین دەکات. خواردنی بڕی پێویست لە مەگنیسیۆم یارمەتیدەرە بۆ باشترکردنی کوالێتی خەو بەتایبەت بۆ ئەو کەسانەی بەدەست کەمخەویەوە دەناڵێنن.
=KTML_Bold=ماسی چەور=KTML_End=
ماسی چەور وەک سەلەمون و تونە و ماسی ترۆت و ماکرێل سەرچاوەیەکی نایابی ڤیتامین Dن، بۆ نموونە 85 گرام سەلەمون 570 یەکە نێودەوڵەتی (IU) ڤیتامین D لەخۆدەگرێت کە دەکاتە لە سەدا 71ی پێویستی ڕۆژانەی ڤیتامین D.
ماسی چەور ڕێژەیەکی زۆر ترشی چەوری ئۆمیگا 3ی تەندرووست لەخۆدەگرێت، کە لە نەخۆشییەکانی دڵ دەپارێزێت و تەندرووستی مێشک بەرەوپێش دەبات. لێکۆڵینەوەکان دەریانخستووە کە تێکەڵکردنی ترشی چەوری ئۆمیگا 3 و ڤیتامین دی لە ماسی چەوردا توانای باشترکردنی کوالێتی خەو هەیە، بەو پێیەی دەرکەوتووە هەردووکیان بەرهەمهێنانی سیرۆتۆنین زیاد دەکەن و خێراتر و قووڵتر خەوتن. [1]