تیپی تۆپی پێی لاوانی #یانەی وەرزشی پێشمەرگەی سلێمانی# درێژە پێدەری سەرکەوتنەکانێتی و دووبارە جەولەی دووەمی لە خولی لاوانی یانەکانی کوردستان بە سەرکەوتنێکی گرنگ تێپەڕاند .
لە چوارچێوەی یارییەکانی خولی لاوانی یانەکانی کوردستان و جەولەی دووەمی خولەکە، لە کۆمەڵەی چوارەمی یانە بەشدارەکان، لاوانی یانەی پێشمەرگەی سلێمانی لەسەر یاریگەی شاهۆ حەمە فەرەج بوونە میوانی لاوانی یانەی #هەڵەبجە#، له و یاریەدا کە کاتژمێر 5:00 ی ئێوارەی ڕۆژی چوارشەممە 26-07-2023 بەڕێوەچوو تێیداو دوایی پیشان دانی ئاستێکی بەرزی هونەری لەنێو یاریگەدا، یاریزانانی یانەی پێشمەرگە توانیان سەرکەوتنێکی گرنگ دەستبەر بکەن و بە ئەنجامی 6 گۆڵی بێ‌ وەڵام یارییەکەیان لە بەرژەوەندی خۆیان بە کۆتا هێنا.
هەر لە سەرەتایی گێمی یەکەمی یارییەکەوە گڕوتینی یاریزانانی لاوانی پێشمەرگە بەبەهێزی بینران و توانیان لە خولەکەکانی 12 ، 23 ، 26 ، 36 چوار گۆڵ تۆمار بکەن و لە گێمی دووەمیشدا دووبارە بەو ئاستەوە هاتنەوە نێو یاریگە و لە خولەکەکانی 63 و 82 دوو گۆڵی دیکەیان تۆمار کردوو بەو شێوەیەش کوڕانی پێشمەرگە دووەم سەرکەوتنیان بەدەست هێنا.
سەبارەت به و سەرکەوتنەیان وسام محەمەد بازگ سەرپەرشتیاری گشتی تیپی تۆپی پێی لاوانی یانەی پێشمەرگە تایبەت بە پێشمەرگە سپۆرتی ڕاگەیاندوو وتی ، لاوانی پێشمەرگە به و ڕۆحییەتە وەرزشییەی وەرزی ڕابردوو یاری دەکەن و دەمانەوێت دووبارە نازناو بهێنینەوە شاری سلێمانی، ناوبراو ئاماژەی بەوەشکرد کە کوڕانی پێشمەرگە شێر ئاسا دەبینرێن و خۆش بەختانەش توانیان لە دووەم یاریان سەرکەوتن بەدەست بهێنن و گۆڵەکانیشمان لە ڕێگەی هەریەک لە یاریزانان (بڕیار عەدنان بە دووگۆڵ، بینەر ڕزگار دووگۆڵ، ڕابەر جەمال و هۆزیار جەبار ) تۆمار کران.
دواجار بازگ وتی، ناوەستین و جگەلە خولی کوردستان ئامادەکاری بۆ بەشداری لە خولی لاوانی پلە یەکی یانەکانی ئێراقیش دەکەین و دەمانەوێت له و خولەشدا ئەنجامی بەرچاومان هەبێت.
هەر سەبارەت بە خولی لاوانی کوردستان هەشت یاری دیکە بەڕێوەچوون و ئەنجامی تەواوی یارییەکانیش بەم شێوەیە بوون.
[1]