گەڕی یەکەمی یارییەکانی خولی لاوانی پلە یەکی تۆپی پێی یانەکانی ئێراق دەستی پێکردووە، لە یەکەم یاری خۆیدا، تیپی تۆپی پێی لاوانی یانەی وەرزشی پێشمەرگەی سلێمانی لەدەرەوەی یاریگەی خۆیدا و لەسەر یاریگەی یانەی دیالە بووە میوانی لاوانی ئەو یانەی دیالە، لەو یارییەدا کە کاتژمێر 5:00 ی ئێوارەی ڕۆژی دووشەممە 31-07-2023 بەڕێوەچوو، دوایی پشاندانی ئاستێکی بەرز لەلایەن یاریزانانی پێشمەرگە، هێرشە یەک لە دوایی یەکەکانیان، بەڵام بەهۆی بەهێز هیڵی بەرگری و گۆڵپارێزی یانەی خاوەنماڵ نەیانتوانی کەڵک لە هێرشەکانیان وەربگرن و گۆڵ تۆمار بکەن، سەرەنجام یاری بە بێ گۆڵ کۆتایی هات و هەرتیمە و بە خاڵێک ڕازی بوون.
بەو شێوەیەش، لاوانی پێشمەرگەی سلێمانی لەدەرەوەی یاریگەکەی دا توانی خاڵێکی گرنگ دەستبەر بکات، ئەمە لەگەڵ ئەنجامدانی یارییەکانی خۆی لە خولی لاوانی یانەکانی ئێراق لاوانی پێشمەرگە بەشدارە لە خولی لاوانی کوردستان و لە گەڕیی سێهەمی یارییەکانی ئەو خولەشدا و لە کاتژمێر 5:00 ی ئێوارەی ڕۆژی سێ شەممە 01-08-2023 و لەسەر یاریگەی فەرماندەیی میوانداری لە لاوانی یانەی ئاشتی دەکات.
[1]