ئەڎا

زاوڵێ بێنی، چەنی ئەڎێم شەرتەم کەرڎە تاکو قاموو قیامەتی هیچکەسم  زیاتەر جە ئەڎێم گەرەک نەبۊ.
ئەڎێم گېرتا باوشی، ماچێم کەرۍ و  دەسێ ئارێ سەرەمرە و وېش کەرۍ قۆربانو سەڎەقەم، ماچۊ :نمەتاوی!
واتم:چی نمەتاوو؟ واڵڵە  جە تاتەیم و واڵەکێم و براڵەکایچم فرەتەرم گەرەکەنی. ئەڎێم وات: ڕوێ مێ وەرۆ، کەسێ مێ کە مەتاوی منت چاڎی وەشتەر بسیۆ.
چن ساڵێ شۊنیشرە ڕەفێقێم بۍ فرە وەشم سیە، بەڵام حەرچێ هۊشێ کەرېنیوە نەتاوێنۍ ئینەو ئەڎێم وەشم بسیۆ، دماتەریچ معلمێم بۍ وەشم گەرەکەبێ،  بەڵام نەک پېسە ئەڎێم. 
پاسە ڕیک کەوت ئەشق ئاما وەرۆ، تەرسێنێ نەتاو شەرتەکێم بەروو سەر، وەختە هەرمانۍ  سوکی و قۆرسیم کەرڎ حەر ئەڎام فرەتەرم وەش سیە.
ساڵێ ئامێ و لوێ تاکو نەفەرێ ئامانە ژیوایم، یۊ کە جە گېیانیچم ئازیزتەر بێ، حەتا جە ئەڎێم. 
ڕوێ جە ڕوا باوشیمنە  لاونایش لاونێنۍ 
کتوپڕانێ ئەڎێم دیاو دەسش کەرڎ خوای ماچۊ: ڕۊڵە نەواتم  شەرتەکێت مەبەری سەر .
کە چڵاکیانېرە و هۊشێم کەرڎێوە، دیم بەڵۍ، شەرتەم مارێنە و ئاڎم جە ئەڎێم فرەتەر  وەش مسیۆ؛
ئاخۆر وێچم  بیێبێنی بە ئەڎا!
ج_ئەحمەدی.[1]