نامۍ: حەمەحسێن
نازنام: کێمنەی
نامۊ تاتەی: حەمە یوسف
ساڵۊ پېڎابېیەی: 1924ز
یاگۊ پېڎابېیەی: #کێمنە_ هۆرامان#
$ژیۋاینامە$
مامۊسا حەمەحسێن کێمنەی، دەگاو کێمنەی، بەشو لهونی ئامان دنیاوە، بنەیانەکەشان دەنگ وەشۍ و بەهرەمەڼۍ بیېنۍ. مامۊسا حەمەحسێن دوۍ جار هامسەرگیریش کەردەن، جاری یەکەم دلۍ هۆرامانینە، جاری دوەم ناوچەو گەرمیانی.
نازنامو (خالیدی) وەرچەمو بنەیانەکەیشانە، فرېشان دەنگشان وەش هەن، سیروان خالیدی و دڵسۊز خالیدی دۋۍ کوڕۍ مامۊسا حەمەحسێنینۍ کە هونەمەڼۍ و دەنگ وەشېنۍ.
حەمەحسێن کێمنەی هەر جە دەمو زاروڵەییشۆ دەسش دانەنە کاری هونەری گورانی واتەی، تەمەنێ فرەش چا دەرەتانەنە گوزەرنان، سەڎان بەرهەمۍ بەرزۍ و ڕەسەنېش تۊمارۍ کەردېنۍ، بەزمۍ سیاوچەمانەی دیمێ ڕۊشنشا ئی بەهرەمەڼە بە سەلېقەو بە تەوانانە.
ئی هونەرمەڼە بەهرەدارە ژیوای تەمەنیشەنە هۆراز و لېژایۍ فرۍ ئامێنۍ ڕاش، سەردەمانێ ئاوارەو گەرمیانی بېیەن، دلۍ شارو کەلارېنە ژیوان، ئەچاگەیچ ئاوازە ڕەسەنەکۍ سیاوچەمانەیش دێنۍ گۊشا خەڵکو ئا ناوچێرە، دلۍ مېمانداریێنە ئاوازو (سەلە سەلە) یش چڕیەن، تاکو ئیسەیچ تېکەڵو ڕۊحو ئاخەڵکەیە بېیەن و هەر دەم وەرو وېشارە ماچاشۆ.
حەمەحسێن کێمنەی چەنی گۊرانیواچە نامڎارەکا هۆرامانی پېسە: مامۊسا عوسمان هۆرامی و شەفیع کێمنەی و جەمیل نۆسووڎیی و سەباح خارگېڵانەیی، ...هتر گۊرانیېش واتېنۍ.
مامۊسا حەمەحسێن ئیسە تەمەنش لوان و یاوان نزیکۆ سەڎ ساڵا، تەواناو گۊرانی واتەیش بە عالی نەمەنېنە، دلێ خانەواڎە و قۆم و قیلەیشەنە بە ئیحتیرامۆ ژیوای گوزەرنۊن.
ئەسعەد ڕەشید.[1]