=KTML_Bold=ڕێبوار=KTML_End= (بە لای ڕانا تێ ئەپەڕێ نزیک بە مێرگی بەهار):هەنگەزەردە ئەبڕێ ڕێی دوور
بۆ بینینی گوڵاڵەی سوور
تا نەگەڕێ مێرگی بەهار
دەم نانێتە ناو دەمی یار!
=KTML_Bold=شوان=KTML_End=:بەڵام منی شای گشت هەنگی هەردەی بەهاران،
بۆ بینینم خۆیان ئەگرن ڕێی دەشت، نازداران!
سۆزی شمشماڵ ئەخەمە کار دەمی ئێواران:
پۆل پۆل ئافرەت، شیردۆشی جوان، ئەکشێ بۆ ناو ڕان!=KTML_Bold=ڕێبوار=KTML_End=:هەنگەزەردە ئەبڕێ ڕێی دوور
بۆ بینینی گوڵاڵەی سوور
چۆن بە پێی خۆی دێ گوڵی گەش
بۆ لای شوانی کەپەنکڕەش؟
نەک گوڵێک و نەک سیان و چوار،
چەن لە دێدا هەبێ نازدار؟!=KTML_Bold=شوان=KTML_End=:کە مۆڵم دا مێگەلی تێر لەسەر سەوزە گیا:
زەردەی هەتاو ئەگرێتە زێڕ ڕووی دەشت و چیا،
هەر نازدارە، بۆ هەڵپەڕکێ جۆشێ لە سەریا،
لە شمشاڵم ئەنێ بە ناز ڕووی نیازی جیا!=KTML_Bold=ڕێبوار=KTML_End=:هەنگەزەردە ئەبڕێ ڕێی دوور
بۆ بینینی گوڵاڵەی سوور
لە ناو دێوە پۆل پۆل نازدار
ئەشێلن سەوزەگیای بەهار
بۆ لای شوانی شمشاڵ پڕ جۆش...
هەی بەختی باش! ژیانی خۆش!=KTML_Bold=شوان=KTML_End=:حەڵقەی چۆپی لەسەر فەرشی گیای قەراغی ئاو
لە بەردەمما هەڵئەپەڕێ گا گورج و گا خاو،
منیش چەشنی پەپوولەیەک گوڵ دایبێتە ناو
کێ زۆر شۆخ بێ لەبەر پێیا ئەوەستم تاو تاو!=KTML_Bold=ڕێبوار=KTML_End=:هەنگەزەردە ئەبڕێ ڕێی دوور
بۆ بینینی گوڵاڵەی سوور
هەر لە دێوە هەتا ناو ڕان
بە لەنجە دێن شیردۆشی جوان
هەڵئەپەڕن بۆ شمشاڵژەن
هەی بەختی باش! ژیانی شەن!=KTML_Bold=کۆمەڵێ ئافرەت=KTML_End= (نەختێک لە دوورەوە):هۆ شوانی بەهرەدار! تێخوڕە چاوەڕێین،
ئارایشت تەواوە، ئامادەی هەڵپەڕکێین!
پەرۆشی ئاوازەی بەسۆزی شمشاڵین،
بێ سیحری فووی دەمت، بەزم و نۆش بەتاڵین،
تێخوڕە، ئامادەین پاداشتی ئاوازە
تێرت کەین لە قووتی دڵ کە جوانی و نازە!
هۆ شوانی بەختیار! تێخوڕە، درەنگە،
بێ شمشاڵ لە دەشتیش وەکوو ماڵ دڵتەنگە!
تێخوڕە، تێخوڕە،
مێ تێر و گوان پڕە،
کاتی ڕان مۆڵ دانە،
تا بڵێی دەشت جوانە!
لێو بەرە بۆ شمشاڵ،
بە سۆز و ناڵەناڵ
بلەرزێ لەشی کێو!
بجۆشێ دڵی دێو!
نەوەستێ هەڵپەڕکێ
تا باڕەی بەرگەل دێ![1]
هۆنەر: #گۆران#
پەرتووکی: #بەهەشت و یادگار و فرمێسک و هونەر#
وتنی: #مەرزییە فەریقی# و #ناسری ڕەزازی#
=KTML_Link_External_Begin=https://www.kurdipedia.org/docviewer.aspx?id=572021&document=0001.MP4=KTML_Link_External_Between=کلیک بکە بۆ بیستنی گۆرانی ئاهەنگێک لەناو ڕان بە دەنگی مەرزییە فەریقی و ناسری ڕەزازی=KTML_Link_External_End=