با ئی باوکەڕۆ بڕیۊوە
باوکەڕۆ، دەسەواچێ هۆرامیە نېیەنە، هۆرامی ماچۊ تاتەڕۆ، بەڵام ئیتر ئامێنە دلۍ زوانەکەی و دەمواچیش سەهل و ئاسانەن، یانی بە ڕەوانی گۊ کریۊن. ئیدیۆمەکۍ پەی بارو فرە واتەیۆ چېوێ ماچیۊن، یام جە بارو کېشمەکېشمێ بەردەوامینە. کەسێ سەرەمڕە داواو هەقێ وېش کەرۊن، چیلا و چۆلاوە باسش کەرۊن، عالەمەکەی مەیاونۊنە، ئیتر پیێوە، یام چن پیێوە جەمۍ مەبان و چارەو گرفتەکەیش مەکەران، ماچان با ئیتر ئی باوکەڕۆ بڕیۊوە.
بڕێ جارۍ بە هۊکاو قۊمیێوە گرفت مەگنۊنە میانو چن کەسێ، هەردوۍ لێ یۊترینی تۊمەتبار مەکەران، باسەکەشان گرڎیاگێوە دەنگۍ مڎۊوە، خەڵکی پەنەشان مەزانان، بەڵام دماتەر گرفتەکەو میانیشان چارە کەران، ئیتر خەڵکە نزیکەکۍ ماچان: بەخۊڎا خاس بی ئی باوکەڕۆ بڕیاوە.[1]