کورد دلۍ چەرخەکا تاریخینە
بەشۍ: دوەسەڎ و حەفتا و دوەمە
نویستەی: #هاوڕێ باخەوان#
ساڵەو(1918ز.):
* تاریخو(#01-11-1918#ز.) مێجەر نۆیل ئاما پەی شارو سلێمانی کە جە لاو سێر ئاڕنۆڵد ویڵسن فەرماندارو سەربازی ئینگلیزی جە شارو بەغڎای کیانیابۍ، چەنی شېخ مەحمووڎی بەرزنجی و بەشێ فرەو پیا ئایینی و ڕۊشنویرەکا کۊبیۆ، ئانەش پەنەواتۍ کە شېخ مەحمووڎ کریان بە حوکومدارو پانیشتو کوردەسانی و وېچش کریان ڕاواچکاری ڕامیاری حوکومداری کوردەسانی.
* تاریخو(#08-11-1918#ز.) کۆڵۆنێل لیچمان، کریا بە فەرماندارو موسڵی کە ناوچەکانو هۆلېری و دهۊکیچ گېرېوە.
* تاریخو(#08-11-1918#ز.) ئینگلیزەکۍ شارو موسڵیشان داگیرکەرد.
* تاریخو(#14-11-1918#ز.) وتارێ بە نامۍ (چەنەکۊڵیای جە تاریخ و کۊمەڵیبیەو کوردی)، بە دەسو کامەران ئعلی بەدرخان دلۍ ژمارو(130) گۊڤارو ئیجتیهاد بە زوانی تورکی تۊمارە کریا.
* تاریخو(#18-11-1918#ز.) مێجەر نۆیل یاوا سلێمانی و وتارێش واناوە، دلېشەنە شېخ مەحمووڎش بە حوکومدارو کوردەسانی بانگدا.
* تاریخو(#18-11-1918#ز.) هەردوە دۆڵەتو فەڕەنسا و بەریتانیای بەیانێشان بەرکەرد، دلېشەنە ئامابۍ: نەتەوەکۍ چېرو دەسەڵاتو عوسمانی مافو سەربەۋېییشان هەن،کە کوردیچ یۊن چا نەتەوا.
* مانگەو(12) ئی ساڵېنە، کلیمانسۆ سەرۆکو کۊنگرەو ئاشتی جە پاریس، لوا پەی لەندەنی، چەنی لوید جۆرجی سەرو ئانەی ڕېکۍ کۆتۍ کە ویلایەتو موسڵی ناوچەو چېرو دەسەڵاتو فەڕەنسایۆ فاڕیۊوە پەی بەریتانیای.
* تاریخو(#01-12-1918#ز.) حاکمی سیاسی ئێراقی، ویڵسن ئامان پەی سلێمانی.[1]