ل ساڵا 1948 ێ هاتبو سەردونیایێ و پێنج بەرهەمێن چاپکری ل دووڤ خو هێلان هەڤاهەڤالۆشکێ بۆ زارۆکان و چۆخکێ ئەیازی ل سەر ژین و بەرهەم و سترانێن هونەرمەندێ نەمر ئەیاز یوسڤ و پەرتۆکەک ل سەر هەلبەستڤانێ مەزن جگەرخوون و کەوێ رباد کو یا تایبەت بوو ل سەر ژین و بەرهەم و خەباتا هونەرمەندێ هەر ناڤدارێ کورد محەمەد عارفێ جزیری دگەل چاپکرنا ئەلبۆما وێنێن زاخو و دەستەکێ هەرە باش و بەرز مینا هەلبەستڤان هەبوو و کادرەکێ پێشکەفتی یێ راگەهاندنێ بوو و ب سەرفرازی ل رۆژنامێن بزاڤ و هاوکاری و کوڤارێن دەلال و مەتین و رەنگین و رادیویێن زاخو و دەلال و کەنالێن دەلال و چوارچرا ل زاخو هەبوو.
فەرهاد حاجی گوت ژی سەگڤان عەبدولحەکیم پشتی سەرهلدانا بوهارا 1991 ێ ژ بەغدا قەستا دهۆکێ کر و مینا بەرپرسێ راگەهاندنا پارێزگەها دهۆکێ کەتە کاری، پاشی بەرەڤ هەندەران کەتەرێ و ل وەلاتێ سۆید ئاکنجی بوو، د دووڤ دا ل چەندین کەنالێن راگەهاندنێ ل زاخو کارکر و هەتا رۆژا خۆیا دووماهیێ ژی ب باشترین شێوە خزمەتکارێ دۆزا رەوایا گەلێ خو و بوارێن رەوشەنبیری و راگەهاندن و هوتەرێ کوردی بوو و ئەندامێ ئێکەتیا نڤیسەرێن کورد– دهۆک و لقێ دهۆک یێ سەندیکا رۆژنامەنڤیسێن کوردستانێ بوو.