لە بنەماڵەی (یۆنا) یە، ساڵی 1922 لە گوندی هیزا - بجیل - #ئاکرێ# لە دایکبووە. عەمران سورچی باوکی، کە لە چلەکاندا موختاری گوندی هیزا بوو و گەلەک لە دەڤەری بادینان، مووسڵ و #سۆران# ناوێکی هەبوو و مرۆڤێکی گەلەک بە هێز بوو و لە لای سورچییەکان گەلەک رێزی هەبوو. نیسان لە منداڵییەوە دووزەلەژەنێکی باش بوو و ئەو کاتەی کە گەنج بوو، ناووبانگی گەیشتە زێبار، بارزان و هەریر.
ساڵی 1937 شێخ تەقیەدینی سورچی ژنی هێنا، نیسان لە داوەتەکەی دووزەلەی ژەنی، هەروەها بە بڕیاری ئەو شێخە، نیسان بوو بە پاسەوانی و تفەنگێکی لێ وەرگرت.
ساڵی 1951 نیسان لەگەڵ بنەمالەکەی خۆی دەرکران بۆ ئیسرائیل. ئەو لەوێ کاری جووتیاریی دەکرد و مەڕی پەیدا کرد. وەک دەزانرێ کە کوردە جووەکان و عەرەبەکان لەگەڵ یەکتری پێوەندییەکی باشیان هەبوو، بۆیە گەلەک عەرەبی ڕەنجدەر لای نیسانیان کار دەکرد.
نیسان ئێستا خانەنشینە و ڕۆژانە بەردەوام سەیری کەناڵە کوردییەکان دەکا و ڕۆژانی پێنجشەم دەچێ بۆ بازار بۆ کڕینی شتومەک و خواردن بۆ ڕۆژانی هەینی و شەمووان، چونکە کوردە جووەکان لەو دوو ڕۆژانەدا لە پێش خواردن تەورات دەخۆێنن و پاشان خواردن دەخۆن.
نیسان لە کوردستان دووزەلەژەن، بلوێرژەن و زوڕناژەن بوو و یەکێک بوو لەو کەسانەی کە موزیکی کوردییان لە بادینان، مووسڵ و سۆران بڵاو کردەوە و لە ئیسرائیلیش بەردەوام بوو و بە سەدان کەس لە کوردستان و ئیسرائیل موزیکی کوردی لێی فێر بوون.
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 8,489 անգամ
Գրեք ձեր մեկնաբանությունը մոտ այս նյութը!