له ساڵا 1930 ێ له گوندێ پێندرۆ له دەڤەرا مزوری ژوریا ( مزوری بالا) هاتیە دونیایێ و له تەمەنێ 3 سالیێدا دگەل مالباتاخۆ ئاوارێ باکورێ کوردستانێ ( کوردستانا تورکیا) بوویە و پشتی بورینا شەش هەیڤا ڤەدگەریێتەڤه باشورێ کوردستانێ، له سالا 1945 ێ دگەل بارزانی نەمر پشکداری د شۆرەشێ دا دکەت دژی داگیرکەرێت کوردستانێ و بو دامەزراندنا کۆمارا کوردستانێ _ مەهاباد_ دگەل بارزانی نەمر د چیتە رۆژهەلاتێ کوردستانێ و له سالا 1946ێ دا دگەل بارزانی نەمر بو بەرەڤانیکرن ل کوردستانی بەژداریا چەند شەرا دکەت وەکی شەرێ (عەلبە کویکا و شەرێ گەلازی)، له سالا 1947 ێ دگەل بارزانی نەمر دچیتە یەکێتیا سۆڤیەتا بەرێ و بو ماوێ 12 سالان به ئاوارەی له یەکێتیا سۆڤیەتێ دمینیتەڤە، هەتا سالا 1959ێ ڤەدگەریتەڤە بو عێراقێ له سالا 1960 ێ له شارێ موسل جێگیر دبیت و بەردەوامیێ به خەباتا خۆ ددەت ژ بەرهندێ بو ماوێ شەش هەیڤا دهێتە زیندانی کرن.
پشتی ئازاد بوونێ له زیندانێ له سالا 1961 ێ دا بەژداریا شۆرەشا ئەیلولا مەزن دکەت و ل شەرێ ( نەهلێ) دا بەژدار دبیت و ل ڤی شەریدا بریندار دبیت، دووبارە دگەل بارزانی نەمر دکەڤیتە رێکێ بو دەڤەرا بەهدینا و دگەل عیسی سوار دا بەژداریا تڤاڤا شەرێت دەڤەرا بەهدینا دکەت وەکی شەرێن (گەلیێ سپی و ئاوگەنی و عەینزالە و مەتین و .....هەمی شەرێن دیێن دەڤەرا بەهدینا).
پشتی تەشکیل بوونا (هێزا هەلگۆرد ) دبیتە ئامر بەتالیۆن ل ڤێ هیزێدا و پشکداریا شەرێ ( دوکان) دکەت .
له سالا 1970 ێ دبیتە ( ئامر هێز ) له هێزا حەمرین (ناوچەی سورچیا) هەتا سالا 1975 ێ،پشتی نسکۆیا شورەشا گەلێ کورد دگەل بارزانی نەمر ئاوارێ رۆژهەلاتێ کوردستانێ ( کوردستانا ئیرانێ ) دبیت و پشتی شەش هەیڤا ئاکنجی بوونێ له ئوردوگاهێ ( زێوە ) ژ لایێ رژێما شاهێ ئیرانێ ڤە دهێتە دویرکرن بو شارێ ( ئەسفەهان ) له وێرێ دووبارە ژ لایێ دەزگەهێ موخابەراتا ئیرانێ ڤە( ساڤاکا شاهی ) یا شاهێ ئیرانێ دهێتە نەفی کرن بو شارێ ( شەهرەزا) هەتا رۆخیانا رژێما شاهێ ئیرانێ، له سالا 1980 ێ ڤەدگەریێتەڤە بو رۆژهەلاتێ کوردستانێ ( کوردستانا ئیرانێ ) دووبارە دەستهاڤێتەڤ چەکی بو ئازادیا کوردستانێ و داخلی باشورێ کوردستانێ ( کوردستانا عێراقێ ) دبیت و بەردەوام دبیت له شۆرەشێ وەکی فەرماندەکێ قەهرەمان له رۆژا 01-09 -1983ێ دا له سێکۆچکا سنوریا زنجیرە چیایێ قەندیل دگەل چەند پێشمەرگەهێن قەهرەماندا دهێتە شەهید کرن و گیانێ خۆ دکەتە قوربانێ ئازادیا کوردستانێ.
http://www.pdk-leqa1.com/sd.php?id=2197
Այս տարրը գրվել է (کرمانجی) լեզվով, սեղմեք պատկերակը
բացել իրը բնագրի լեզվով
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Այս տարրը արդեն դիտվել 3,747 անգամ
Գրեք ձեր մեկնաբանությունը մոտ այս նյութը!