ئەرغەوان، دارێکە لە تیرەی پەپوولەیەکان "Papillonacées" و سەردەستەی "ئەرغەوانیەکان" Césalpinées نە، گەڵاکانی خڕ و گوڵی سوور و ئاماڵ وەنەوش دەردەکا. ئەوەڵی بەهار بەر لەوەی گەڵا دەرکا گوڵ دەکا، تامی گوڵەکانی شیرینە و هێندێ خەڵک دەیخۆن. بۆ زیار کردنی ئەم دارە بەرەکەی دەچێنن، یان قەڵەمەی دەکەن. زۆرتر بۆ جوانی دەینێژن. (ئەرخەوان سوورە بەهار گوڵشەنە ڕازایەوە/ دەشەت و کۆ ڕەنگین و پڕشکۆیە وەنەوشەی یانەکەم) "ساڵح دیلان". ئەمەش Cotoneaster hissarica، جۆرێکیتری ئەم دارەیە کە نزیک 2 میتر باڵا دەکا و لە ناوچەی بانە زۆر دەڕوێ. جۆرێکیتریشی لە لێواری چۆمی "یاڵە" (سیروان) و شاری پاوە و هەورامانی تەخت، داریان، مەڕەخێڵ، هەجیج و ناوچەی ژاوەرۆ دا بە زۆری دەڕوێ کە خەڵکی هەورامان قوڵینە و تەیکە و سەبەتی لێ دروست دەکەن و لە گەڵا کوتراوەکانیشی بۆ دەرمانی گەرما بردوویی و نەخۆشی ماڵەڕیا کەڵکی لێ وەردەگرن، ئەویش بە شێوەیەک کە بۆ ماوەک 2 کاتژمێر دەڕۆنە نێو جێگەیەک لە گەڵای ئەرخەوان. گەڵا و گوڵەکەشی دەکوڵێنن و بۆ دەرمانی وەرینی مووی سەر کەڵکی لێ وەردەگرن. بێجگە لەمانەش بۆ پێوەدانی دووپشک و پەسپەسەکۆڵە، گەڵای کوتراوی ئەرخەوان و بومارانە تێکەڵ دەکرێ و لە سەر شوێنی جزوەکە دادەنرێ.
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 6,640 անգամ
Գրեք ձեր մեկնաբանությունը մոտ այս նյութը!