بەناوی خوای گەورەو میهرەبان
بەداخ و پەژارەیەکی زۆرەوە جارێکی تر تیرۆرستانی داعش، هێرشێکی دڕندانەیان کردە سەر شاری خۆڕاگری(کۆبانێ) و لەئەنجامی چەند کردەوەیەکی تیرۆرستییاندا، کۆمەڵێک هاوڵاتی سڤیل و بێ گوناهیان شەهید کرد، ئەم کردەوە ڕەش و نا مرۆڤانەشیان ڕۆشتە پاڵ کردەوە چەپەڵەکانی تریان، بەڵام سەرەنجام کۆبانێ سەرکەوت و دەستی ڕەشی تیرۆرستان لە شارەکە دورخرایەوە. ئەمەش دەرخەری ئەو ڕاستییەیە کە ئیرادەی گەلەکەمان لە کوردستانی ڕۆژئاوا لە مەرامی تیرۆرستان بەهێزترە، لێرەوە بەناوی پەرلەمانی کوردستانەوە، سەرەخۆشی لە بنەماڵە و ماڵباتی شەهیدان دەکەین و هیوای زوو چاکبوونەوەش بۆ بریندارەکان دەخوازین.
داواکارین لە کۆمەڵگەی نێودەوڵەتی جدی تربن، لە هاوکاریی شەڕڤانانی ڕۆژئاوا، بۆ ئەوەی بە یەکجاریی کۆتایی بێنن بە گروپی تیرۆرستی داعش.
سەرکەوتن بۆ گەلی کورد لە هەمو پارچەکانی کوردستان، مردن و سەرشۆڕی بۆ تیرۆرستانی دوژمنانی مرۆڤایەتی.
پەرلەمانی کوردستان
27-06-2015
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 6,460 անգամ
Գրեք ձեր մեկնաբանությունը մոտ այս նյութը!