هێزەکانی ئێمە بەپشتگیری ئەنجومەنی سەربازی منبیج و هێزەکانی هاوپەیمانان، لە ڕۆژی 15ی ئابی 2016دا ناوەندی شاری منبیج و گوندەکانی دەوروبەریان بەتەواوی لە ژێر دەسەڵاتی داعش ڕزگارکرد.
پاش ڕزگارکردنی منبیج، هێزەکانی ئێمە بە یارمەتی هێزەکانی هاوپەیمانان، هێزەکانی سەربە ئەنجومەنی سەربازی منبیجیان پەروەردەکرد، ئێستاش ئەو هێزانە بۆخۆیان ڕێکخراوێکی سەربازی و ئاسایشین و دەتوانن لەبەرامبەر هەموو جۆرە مەترسیەکدا بەرگری لە منبیج بکەن.
پاش ئەوەی هێزەکانی ئێمە ڕۆڵی خۆیان لە ڕزگارکردنی منبیج و هاوڵاتیاندا گێڕا، ئەمڕۆ ڕایدەگەیەنین، کە هێزەکانمان لە منبیج دەکشێنینەوە بۆ ڕۆژهەڵاتی ڕووباری فورات و بەشداری ئۆپەراسیۆنی توڕەیی فورات بۆ ڕزگارکردنی ڕەقە دەبین، ئێمە باوەڕمان هەیە، کە هێزەکانی ئەنجومەنی سەربازی منبیج دەتوانن ئەرکی خۆیان بۆ بەرگری لەمنبیج بەجێبهێنن.
هاوکات، دەستخۆشی و سوپاسی خەڵکی قارەمانی منبیج و هەموو پێکهاتەکان دەکەین کە شان بە شانی شەڕڤانان بوون، هەروەها ئەگەر پێویست بێت، لەسەر داواکاری خەڵکی منبیج ئێمە ئامادەین بڕۆین بۆ ناوچەکە و لەبەرامبەر مەترسیەکاندا بەرگریان لێبکەین.
فەرماندەیی گشتی یەپەگە
16-11-2016
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 10,175 անգամ
Գրեք ձեր մեկնաբանությունը մոտ այս նյութը!