رووداو– هێلسنکی، ستۆکهۆڵم، دوسلدۆرف
سامان لە نزیک تەرمیناڵی سەرەکیی شاری دۆسلدۆرف سەرتاشخانەیەکی گەورەی هەیە، جگە لە خۆی پێنج کەسی دیکەش کاری تێدا دەکەن کە دووانیان بەڕەگەز ئەڵمانین، ئەو شەش کەسە ڕۆژانە نزیکەی 100 کەس بەڕێدەکەن. سامان دەڵێت: بۆ من مایەی خۆشحاڵییە کە وامکردووە کەسانی ئەڵمانی بێن لای من کار بکەن، یان سەریان لای من چاک بکەن.
سەرتاشی لەو وڵاتە ئەوروپیانەی ژمارەیەکی زۆر کوردیان تێدایە، بووەتە پیشەی کۆچبەرانی کورد.
سامان دەڵێت سەرتاشی جگە لەوەی بزنسێکی سەردەمە، هاوکات هونەرە و سەرکەوتنی ئێمە شتێکی ئاسان نەبووە.
سامان 15 ساڵە لە ئەڵمانیایە و نزیکەی 10 ساڵە سەرتاشە. ئەو گوتی لە زیاتر لە شەش شاری گەورەی ئەڵمانیا دەیان سەرتاشخانەی کوردی هەن کە لەلای خەڵک زۆر ناسراون.
شارەبان لەنێو جەرگەی شاری هێلسنکی لە فینلاند سەرتاشخانەیەکی گەورەی کردووەتەوە. سەرتاشخانەکەش هەر بە ناوی خۆیەتی و جمەی دێت لە موشتەری. لەوێ بە زمانەکانی کوردی، فارسی، عەرەبی، فینلاندی و ئینگلیزی پێشوازی لە موشتەری دەکرێ.
شارەبان لە بەغدا لەدایک بووە و کوردی فەیلییە، دەڵێت سوودم لەو دەرفەتە وەرگرتووە کە ئەمڕۆ لە فینلاند هەیە، وامکردووە هەرچی کۆچبەر و پەنابەرانی کۆنیشە ڕوو لە من بکەن.
شارەبان پێیوایە هەرزانی و جوانیی کارەکەی و خێرایی لە کارکردندا، وایکردووە جگە لە کۆچبەران ژمارەیەکی زۆر لە فینلاندییەکانیش لەلای ئەو قژ و ڕیشیان بتاشن. ئەو گوتی ئەگەر ڕۆژانە 80 کەس سەردانم بکات، نزیکەی 30 کەسیان فینلاندین.
شارەبان خۆشحاڵە بەوەی کە خۆبەخشانە زیاتر لە سێ کۆچبەری وەک خۆی فێری کارەکە کردووە و ئێستا لای ئەو کار دەکەن. ئیڤان ساڵح یەکێکە لەوان و دەڵێت: سەرتاشخانەی شارەبان بووەتە ماڵ و هەموو شتێکە بۆ من، منی لە نەهامەتی و نەبوونی ڕزگار کرد.
ئیڤان هیوای ئەوەی هەیە لە ڕێگەی ئەم کارەی مافی مانەوە بەدەستبهێنێت. لەگەڵ ئەوەش خۆشحاڵە کە وەستاکەی فێری کارەکەی کردووە و پارەیەکی باشیشی دەداتێ.
بینینی نووسینی کوردی و ناوی کوردی لەسەر سەرتاشخانەکان لە ناوەندی شارە گەورەکانی ئەوروپا بووەتە شتێکی ئاسایی. تەنیا لە شارێکی بچووکی وەک تورکۆ، لە باکووری فینلاند چوار سەرتاشخانەی ناسراو هەن کە دەیان کەس کاریان تێدا دەکەن.
فیراز لە کریستیانەکانی هەولێرە و چوار ساڵە لە تۆرکۆیە و لەلای سەرتاشێکی کورد کار دەکات. ئەو دەڵێت: فینلاندییەکان لەوە تێگەیشتوون کە ئێمە بەوپەڕی ڕێز و بە پارەیەکی کەم و بە خێرایی کارەکەیان بۆ دەکەین، بۆیە زۆربەی کات دێنە لای ئێمە.
ستۆکهۆڵم یەکێکە لەو پایتەختانەی ئەوروپا کە زۆرترین کوردی لەخۆگرتووە، زۆرترین سەرتاشخانەی کوردی تێدایە کە ژمارەیان 38 سەرتاشخانەیە و نزیکەی 100 کەس کاریان تێدا دەکەن.
هاوڕێ فەتاح لە ناوچەی شیستا سەرتاشخانەیەکی گەورەی هەیە، خۆی وەک خاوەنی شوێنەکە تاکە کوردی سەرتاشە و ئەوانی دیکە، بیانی و زۆرینەیان سوێدین. بە گوتەی هاوڕێ کارەکەیان بووەتە مارکە و بۆ نرخ و پەیداکردنی پارە نایشکێنن.
فەتاح دەڵێت: من گلەییم لە زۆر لە پەنابەران و بەتایبەت کورد و عەرەب هەیە کە بۆ هەندێک دەستکەوتی کەم، کارەکەیان سووک کردووە.
گوتیشی: ڕەوا نییە سوێدییەک بە 400 تا 1200 کرۆن سەری چاک بکات، ئێمە 120 کرۆنی لێ بستێنین.
هانا محەمەد ساڵح لە شارۆچکەی فیکخوێ لە نزیک ستۆکهۆڵم کاری دەکرد تا دواجار سەرتاشخانەکەی کڕییەوە. ئەو دەڵێت: سوێدییەکان ماوەیەکی زۆر دەخوێنن تا فێری پیشەکە دەبن، بەڵام من و زۆر سەرتاشی دیکەی کورد یەکسەر بە پراکتیک بە چاککردنی قژی برا و خزم و هاوڕێکانمان دەستمانپێکرد.
هانا لەگەڵ براکەی بۆ سیانزە ساڵ دەچێت ئەم کارە دەکەن و یەک لە سەرتاشخانە گەورەکانی شارەکە بەڕێوەدەبەن. ئەو دەڵێت بیرم لە هیچ خول و دەورەیەک نەکردەوە، سەرەتا لە ماڵەوە دەستمپێکرد، پاشان بۆ ماوەیەکی زۆر خۆم لەسەر هاوڕێکانم تاقیکردەوە، ئێستاش کارێکی زۆر باش دەکەین. هانا و هێمن بوونەتە ناوێکی ناسراوی ئەو شارە، چونکە زۆرینەی خەڵکی ئەو ناوچەیە لای ئەوان سەر چاک دەکەن.
هانا وەک شاگرد و لە ئەزموونێکی بچووکەوە دەستی پێکرد، تا وای کرد بە هاوکاری حکومەت و لە ڕێگەی قەرزی بانکیی و هاریکاری دامەزراوەی کار، ئێستا خاوەنی یەکێک لە سەرتاشخانە گەورەکانی ئەو شارەی سوێدە.
بازاڕێکی گەورە
بەختیار عەزیز، مامۆستای زانکۆ لە سوێد، ئابووریناس و لێکۆڵینڤانی بازاڕ و داهات دەڵێت :ئەگەر تەنیا ژمارەی سەرتاشخانەکان و بەراوردی سەردانیکەرەکانی بکەین، لەو پێنج وڵاتەی زۆرترین کوردیان لێیە (سوێد، ئەڵمانیا، هۆڵەندا، فینلاند و بەریتانیا) ساڵانە بە ملیۆنان یۆرۆ دێتە بازاڕەوە.
دەشڵێت:پیشەی سەرتاشی، نموونەیەکی بەهێزی بەرزیی ئاستی دەستی کاری کوردی ئەوروپایە کە دەبێت ڕێزی لێ بگیرێت.
کورد لە ئەوروپا پیشەی سەرتاشی قۆرخ کردووە لەلایەن ڕووداو 2 کاژێر لەمەو بەر کورد و تاجیکی و سوێدییەک، لە چاوەڕوانی وەستایەکی کورددان، سەریان بۆ چاک بکات، فۆتۆ: ڕووداو ڕووداو– هێلسنکی، ستۆکهۆڵم، دوسلدۆرف سامان لە نزیک تەرمیناڵی سەرەکیی شاری دۆسلدۆرف سەرتاشخانەیەکی گەورەی هەیە، جگە لە خۆی پێنج کەسی دیکەش کاری تێدا دەکەن کە دووانیان بەڕەگەز ئەڵمانین، ئەو شەش کەسە ڕۆژانە نزیکەی 100 کەس بەڕێدەکەن. سامان دەڵێت: بۆ من مایەی خۆشحاڵییە کە وامکردووە کەسانی ئەڵمانی بێن لای من کار بکەن، یان سەریان لای من چاک بکەن. سەرتاشی لەو وڵاتە ئەوروپیانەی ژمارەیەکی زۆر کوردیان تێدایە، بووەتە پیشەی کۆچبەرانی کورد. سامان دەڵێت سەرتاشی جگە لەوەی بزنسێکی سەردەمە، هاوکات هونەرە و سەرکەوتنی ئێمە شتێکی ئاسان نەبووە. سامان 15 ساڵە لە ئەڵمانیایە و نزیکەی 10 ساڵە سەرتاشە. ئەو گوتی لە زیاتر لە شەش شاری گەورەی ئەڵمانیا دەیان سەرتاشخانەی کوردی هەن کە لەلای خەڵک زۆر ناسراون. شارەبان لەنێو جەرگەی شاری هێلسنکی لە فینلاند سەرتاشخانەیەکی گەورەی کردووەتەوە. سەرتاشخانەکەش هەر بە ناوی خۆیەتی و جمەی دێت لە موشتەری. لەوێ بە زمانەکانی کوردی، فارسی، عەرەبی، فینلاندی و ئینگلیزی پێشوازی لە موشتەری دەکرێ. شارەبان لە بەغدا لەدایک بووە و کوردی فەیلییە، دەڵێت سوودم لەو دەرفەتە وەرگرتووە کە ئەمڕۆ لە فینلاند هەیە، وامکردووە هەرچی کۆچبەر و پەنابەرانی کۆنیشە ڕوو لە من بکەن. شارەبان پێیوایە هەرزانی و جوانیی کارەکەی و خێرایی لە کارکردندا، وایکردووە جگە لە کۆچبەران ژمارەیەکی زۆر لە فینلاندییەکانیش لەلای ئەو قژ و ڕیشیان بتاشن. ئەو گوتی ئەگەر ڕۆژانە 80 کەس سەردانم بکات، نزیکەی 30 کەسیان فینلاندین. شارەبان خۆشحاڵە بەوەی کە خۆبەخشانە زیاتر لە سێ کۆچبەری وەک خۆی فێری کارەکە کردووە و ئێستا لای ئەو کار دەکەن. ئیڤان ساڵح یەکێکە لەوان و دەڵێت: سەرتاشخانەی شارەبان بووەتە ماڵ و هەموو شتێکە بۆ من، منی لە نەهامەتی و نەبوونی ڕزگار کرد. ئیڤان هیوای ئەوەی هەیە لە ڕێگەی ئەم کارەی مافی مانەوە بەدەستبهێنێت. لەگەڵ ئەوەش خۆشحاڵە کە وەستاکەی فێری کارەکەی کردووە و پارەیەکی باشیشی دەداتێ. بینینی نووسینی کوردی و ناوی کوردی لەسەر سەرتاشخانەکان لە ناوەندی شارە گەورەکانی ئەوروپا بووەتە شتێکی ئاسایی. تەنیا لە شارێکی بچووکی وەک تورکۆ، لە باکووری فینلاند چوار سەرتاشخانەی ناسراو هەن کە دەیان کەس کاریان تێدا دەکەن. فیراز لە کریستیانەکانی هەولێرە و چوار ساڵە لە تۆرکۆیە و لەلای سەرتاشێکی کورد کار دەکات. ئەو دەڵێت: فینلاندییەکان لەوە تێگەیشتوون کە ئێمە بەوپەڕی ڕێز و بە پارەیەکی کەم و بە خێرایی کارەکەیان بۆ دەکەین، بۆیە زۆربەی کات دێنە لای ئێمە. ستۆکهۆڵم یەکێکە لەو پایتەختانەی ئەوروپا کە زۆرترین کوردی لەخۆگرتووە، زۆرترین سەرتاشخانەی کوردی تێدایە کە ژمارەیان 38 سەرتاشخانەیە و نزیکەی 100 کەس کاریان تێدا دەکەن. هاوڕێ فەتاح لە ناوچەی شیستا سەرتاشخانەیەکی گەورەی هەیە، خۆی وەک خاوەنی شوێنەکە تاکە کوردی سەرتاشە و ئەوانی دیکە، بیانی و زۆرینەیان سوێدین. بە گوتەی هاوڕێ کارەکەیان بووەتە مارکە و بۆ نرخ و پەیداکردنی پارە نایشکێنن. فەتاح دەڵێت: من گلەییم لە زۆر لە پەنابەران و بەتایبەت کورد و عەرەب هەیە کە بۆ هەندێک دەستکەوتی کەم، کارەکەیان سووک کردووە. گوتیشی: ڕەوا نییە سوێدییەک بە 400 تا 1200 کرۆن سەری چاک بکات، ئێمە 120 کرۆنی لێ بستێنین. هانا محەمەد ساڵح لە شارۆچکەی فیکخوێ لە نزیک ستۆکهۆڵم کاری دەکرد تا دواجار سەرتاشخانەکەی کڕییەوە. ئەو دەڵێت: سوێدییەکان ماوەیەکی زۆر دەخوێنن تا فێری پیشەکە دەبن، بەڵام من و زۆر سەرتاشی دیکەی کورد یەکسەر بە پراکتیک بە چاککردنی قژی برا و خزم و هاوڕێکانمان دەستمانپێکرد. هانا لەگەڵ براکەی بۆ سیانزە ساڵ دەچێت ئەم کارە دەکەن و یەک لە سەرتاشخانە گەورەکانی شارەکە بەڕێوەدەبەن. ئەو دەڵێت بیرم لە هیچ خول و دەورەیەک نەکردەوە، سەرەتا لە ماڵەوە دەستمپێکرد، پاشان بۆ ماوەیەکی زۆر خۆم لەسەر هاوڕێکانم تاقیکردەوە، ئێستاش کارێکی زۆر باش دەکەین. هانا و هێمن بوونەتە ناوێکی ناسراوی ئەو شارە، چونکە زۆرینەی خەڵکی ئەو ناوچەیە لای ئەوان سەر چاک دەکەن. هانا وەک شاگرد و لە ئەزموونێکی بچووکەوە دەستی پێکرد، تا وای کرد بە هاوکاری حکومەت و لە ڕێگەی قەرزی بانکیی و هاریکاری دامەزراوەی کار، ئێستا خاوەنی یەکێک لە سەرتاشخانە گەورەکانی ئەو شارەی سوێدە. بازاڕێکی گەورە بەختیار عەزیز، مامۆستای زانکۆ لە سوێد، ئابووریناس و لێکۆڵینڤانی بازاڕ و داهات دەڵێت :ئەگەر تەنیا ژمارەی سەرتاشخانەکان و بەراوردی سەردانیکەرەکانی بکەین، لەو پێنج وڵاتەی زۆرترین کوردیان لێیە (سوێد، ئەڵمانیا، هۆڵەندا، فینلاند و بەریتانیا) ساڵانە بە ملیۆنان یۆرۆ دێتە بازاڕەوە. دەشڵێت:پیشەی سەرتاشی، نموونەیەکی بەهێزی بەرزیی ئاستی دەستی کاری کوردی ئەوروپایە کە دەبێت ڕێزی لێ بگیرێت.
07-07-2017