ئاژانسی کوردپا: بە هۆی تەرخان نەکردنی پارە و تێچوو، سازکردنی نەخۆشخانەی 160 تەختی شاری #سەڵماس#، لە پارێزگای #ورمێ#، ماوەی یەکساڵە ڕاگیراوە.
فەرمانداری شاری سەڵماس، لە وتووێژێکدا لەگەڵ هەواڵدەریی ئیسنا ڕاگەیاند: نەخۆشخانەی 160 تەختی شاری سەڵماس، لە یەکساڵی ڕابردووەوە بە هۆی نەبوونی پارە لە بواری سازکردنەوە، هیچ بەرەوپێشچوونێکی نەبووە و ئەو پڕۆژەیە ڕاگیراوە.
مورتزا ئەسغەری هەروەها ڕایگەیاندووە: ئەو نەخۆشخانەیە لە زەوییەکی 5 هێکتاری سازکراوە و تەنیا 18٪ لە کارەکانی ئەنجام دراوە و هەتاکوو ئێستە بڕی 6 میلیارد تمەن پارە لەو پڕۆژەیە خەرج کراوە.
بە وتەی ئەو بەرپرسە حکوومەتییە، بۆ تەواوکردنی ئەو نەخۆشخانەیە بڕی 5 میلیارد تمەنی دیکە پارەی پێویستە و لە ساڵی ڕابردوودا (96) هیچ پارەیەک بۆ ئەم نەخۆشخانەیە تەرخان نەکرابوو و بەو هۆیەوە ماوەی زیاتر لە یەکساڵە ئەو پرۆژەیە ڕاگیراوە.
ڕاگیرانی پرۆژەی نەخۆشخانەی شاری سەڵماس، تەنیا تایبەت بە پارێزگای ورمێ نییە و لە زۆربەی شارەکانی کوردستانی ئێران بە هۆی تەرخان نەکردنی پارە بۆ پرۆژە ئاوەدانییەکان، لەگەڵ کێشە و گرفت بەرەوڕوون.[1]
#11-04-2018#
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 3,874 անգամ
Գրեք ձեր մեկնաբանությունը մոտ այս նյութը!