کارکردن بۆ دیاریکردنی ڕێژەی نوێی پاشەکەوتی مووچەی وەزارەتەکانی ناوخۆ و پێشمەرگە خەریکە تەواودەبێت و، ئەمڕۆ یان سبەی سیستەمی نوێی مووچە بۆ ئەو دوو وەزارەتەش ڕادەگەیێندرێت.
جەلال شێخ کەریم، بریکاری وەزیری ناوخۆی هەرێمی کوردستان بە (تۆڕی میدیایی ڕووداو)ی ڕاگەیاند: بۆ دەستکاریکردنی ڕێژەی پاشەکەوتی مووچەی هێزەکانی ناوخۆ و پێشمەرگە، لیژنەیەکی هاوبەش لەنێوان وەزارەتەکانی دارایی و پێشمەرگە و ناوخۆ پێکهێنراوە، چەند پێشنیازێکی جیاواز بۆ دەستکاریکردنی پاشەکەوت خراونەتەڕوو و ئەمڕۆ یان سبەی پرسەکە بەتەواوی یەکلایی دەکرێتەوە.
کۆتایی مانگری ڕابردوو حکومەتی هەرێمی کوردستان گۆڕانکاری لە سیستەمی پاشەکەوتی مووچەدا کرد و سیستەمێکی نوێی ڕاگەیاند، بەپێی سیستەمە نوێیەکەش کە تەنیا پلەباڵاکان ناگرێتەوە، پاشەکەوتی مووچە لەنێوان 10% بۆ 30 دەبێت. ئەوکات باسی پاشەکەوتی مووچەی پێشمەرگە و هێزەکانی ناوخۆ نەکرا.
بەهۆی قەیرانی داراییەوە لە مانگی دووی ساڵی 2016 وە حکومەتی هەرێمی کوردستان کار بە سیستەمی پاشەکەوتکردنی مووچە فەرمانبەران دەکات، بەڵام پاشەکەوت تاوەکو کۆتایی ساڵی 2017 وەزارەتی پێشمەرگە و بەشێک لە هێزە ئەمنییەکانی نەگرتەوە.[1]
#11-04-2018#
Այս տարրը գրվել է (کوردیی ناوەڕاست) լեզվով, սեղմեք պատկերակը
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 2,191 անգամ
Գրեք ձեր մեկնաբանությունը մոտ այս նյութը!