دواڕۆژ، #بورهان یەحیا#
وەزیرێ هاریکاری و گەشەپێدانا ئەلمانی بەرێ بنیاتێ بۆ پشکا تەنگاڤییان ل نەخۆشخانەیا ئازادی ب کۆژمەیێ 15 ملیۆن یۆرۆیان دانان و رێکخراوا GIZ دێ ب کارێ ئاڤاکرنا وێ رابیت.
موحسن عەبدولقادر بەرپرسێ راگەهاندنا کارگێرییا پارێزگەها #دهۆک# بۆ دواڕۆژ رۆهنکر رێکخراوێن ئەلمانی و ب تایبەت رێکخراوا GIZ رۆلەکێ بەرچاڤ د گەلەک بواراندا ل سنۆرێ پارێزگەها دهۆک دگێرن و ب تایبەت کەرتێ ساخلەمی و پەروەردێ و نوکە ب پشتەڤانییا وەزارەتا گەشەپێدانا ئەلمانی پشکا تەنگاڤییان سەر ب نەخۆشخانەیا ئازادی یا فێرکرنێ ب کۆژمەیێ 15 ملیۆن یۆرۆیان دهێتە دانان و خۆجهێن دهۆک و ئەو60% ژ ئاوارەیێن ئیراق و دەڤەرێن دەرڤەی ئیدارا هەرێمێ کو ل 21 کەمپان دا ئاکنجینە دێ مفای ژێ وەرگرن.
خویاکر وەزیرێ هاریکاری و گەشەپێدانا گێرد مۆلەر ئاماژە ب هاتنا هەژمارەکا مەزن ژ ئاوارەیێن سووریێ بۆ دهۆک کر کو ب گۆرەی ئامارێن بەردەستێ وان زێدەتر ژ 700 هزار ئاوارەیێن ناڤخۆیی ل دهۆک هەنە لەوا ب هەموو رێکان دێ هاریکارییا ڤێ پارێزگەهێ کەین بۆ هندێ بشێین بەشەک ژ بواری وان سڤک بکەین.
دا دیارکرن رێکخراوا GIZ چەندین ئامیر و پێدڤیێن کاری پێشکێشی پشکا تایبەتمەندێ نەخۆشیێن گەها و شیاندانا نۆژداران کر و هەر دگەل هندێ ل کەمپا کەربەتۆر پڕۆژەیێ چارەسەرکرنا ئاڤا ئاڤرێژ و سۆلینان ب کۆژمەیێ 300 هزار دۆلاران هاتە ڤەکرن کو ئەوژی ب رێکا رێکخراوا GIZ دهێتە بجهئینان.[1]
#24-04-2018#
Այս տարրը գրվել է (کرمانجی - کوردیی سەروو) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Այս տարրը արդեն դիտվել 2,743 անգամ
Գրեք ձեր մեկնաբանությունը մոտ այս նյութը!