گۆڤارێکی تایبەتە بە ڕەخنەی ئایینی و ئیسلامی سیاسی
گۆڤاری فاکت بە شێوەیەکی وەرزانە لەلایەن دەزگای ئایدیا بۆ فکر و لێکۆڵینەوە بڵاودەکرێتەوە
لە چوارچێوەی کار و پڕۆژە بەردەوامەکانییدا، دەزگای ئایدیا هەمیشە کاری لەسەر چەند پڕەنسیپێک کردووە، کە خزمەت بە ئایدیا ڕزگاریخوازەکان و هۆشیاربوونەوەی مرۆڤی کورد دەکەن و ئاگاییەکی ڕاستەقینەی دەخەنە بەردەست لەپێناو دوورکەوتنەوەی ئینسان لە هزری دژە مرۆڤ و دژ بە ژیان و بەختەوەریی مرۆڤ.
لەم چوارچێوەیەدا دەزگای ئایدیا، بە هەستکردن بەو بۆشاییەی لە بواری ژۆڕنالیزمی ڕەخنەی ئایینییدا لە کوردستاندا هەیە، دەست دەبات بۆ دەرکردنی گۆڤارێکی ئایینی. گۆڤاری فاکت گۆڤارێکی دژ بە ئایین و بیروباوەڕی ئینسان نییە، هاوکات کاریشی موجامەلەکردنی بیروباوەڕی ئایینی و ئیسلامی سیاسی نییە (هەڵبەت ئیسلامی سیاسی وەک ڕووخسارێکی دیار و بەرجەستەبووی توندڕەویی ئایینیی دژە مرۆڤ)؛ بەڵکو کاری لەپێشینەی گۆڤارەکە سنوور دانانە بۆ بیروباوەڕی ئایینی لەو جێگەیەی دەبێتە هەڕەشە بۆسەر ئاگایی مرۆڤ و لە بری ئاگاییەکی ڕاستەقینە ئاگاییەکی ساختە پێشکەش بە مرۆڤ دەکەن.
لە گرنگترین بابەتەکانی یەکەم ژمارەی گۆڤاری فاکت: (مرۆڤ و خودا، شۆڕشی سێکسی لە ئیسلامدا، قورئان لە ڕوانگەی بیرکارییەوە، ئیسلام ومارکسیزم، ئیسلام و سەرمایەداری، چەپ و ڕاست لە فکری ئایینییدا، پێگەی زانست لە ئیسلامدا، ئیسلامی سیاسی لە هەرێمی کوردستان).
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 2,067 անգամ
Գրեք ձեր մեկնաբանությունը մոտ այս նյութը!