دوای نزیکەی چل ساڵ بۆ یەکەمجارە دەریاچەی #دوکان# سەرڕێژ بکات.
لەوبارەیەوە ئەندازیار محەمەد تاهیر جەلال بەڕێوەبەری بەنداوی دوکان بە PUKmedia ی ڕاگەیاند: لە ڕۆژی 22-11-2018 وە بەهۆی زۆری باران بارینەوە پانزە مەتر ئاستی ئاوی دەریاچەی دوکان بەرزبۆتەوە، ئەمەش بەهۆی زۆری ڕێژەی باران بارینەوە بووە کە کۆی گشتی باران بارینی ئەم ساڵ 715ملم بووە.
وتیشی:دەریاچەی دوکان توانای کۆکردنەوەی حەوت ملیار مەتر سێجا ئاوی هەیە لە ئێستادا زیاتر لە پێنج ملیار نیو مەترە سێجا ئاوی تێدایە به و هۆیەشەوە وای کردوە تەنها سێ مەتر ونیوی ماوە سەر ڕێژ بکات.
بەڕێوەبەری بەنداوی دوکان ئاماژەی بۆ ئەوەش کرد لەیەک چرکەدا 473م سێجا ئاو دەڕژێتە دەیاچەی دوکان و لە هەمان کاتدا 142 م سێجا ئاو بەردەدرێتەوە چونکە دوو یەکەی بەرهەم هێنانی کارەبا کاردەکات.
ئەندازیار محەمەد تاهیر ئەوشی خستەڕوو بەهیچ شێوەیەک مەترسی تەکنیکی و هونەی لەسەر بەنداوی دوکان نییه و هەرکات دەریاچەکە پڕبوو جگە لەسێ دەرگای کرانەوە دەرچەی تر هەیە بۆ سەر ڕێژ کردن، مەترسی لەسەر بەنداوەکە نییه و ئاوی زیادەش بەپێی بەرنامە بەرەدرێتەوە نامانەوێت زیان بە پڕۆژەکانی گەشتیاری و کشتوکاڵ بگات هێندەی لەتواناماندابێت. لە هەر ئەگەرێکیش پێشتر ئاگاداری و ڕوونکردنەوە بڵاو دەکەینەوە.[1]
#08-03-2019#