دواڕۆژ، سەنگین خۆشناو
#وەزارەتی بازرگانی# و پیشەسازی ڕەزامەندی ئەنجومەنی وەزیرانی وەرگرتووە بۆ دروستکردنی سێ سایلۆ لە هەرێمی کوردستان، هەر یەکێک لە سایلۆکانیش توانای عەمبارکردنی 40 هەزار تۆن گەنمیان هەیە.
وەزارەتی بازرگانی و پیشەسازی حکومەتی هەرێمی کوردستان بە مەبەستی کۆتاییهێنان بە کێشەی جووتیاران، بڕیاری دروستکردنی ئه و سێ سایلۆیەی داوە، بەوەش کێشەی وەرگرتنی گەنمی جووتیاران بە تەواوی چارەسەر دەبێت.
نەوزاد ئەدهەم، بەڕێوەبەری گشتی بازرگانی، بە دواڕۆژی ڕاگەیاند: دروستکردنی ئه و سێ سایلۆیە لەلایەن ئەنجومەنی وەزیرانەوە بڕیاری دروستکردنی لەسەر دراوە و ئێستا لە سنووری هەولێر و دهۆک و #سلێمانی# دەستکراوە بە دروستکردنی ئه و سایلۆیانە.
نەوزاد ئەدهەم، ڕاشیگەیاند: ساڵانە لە سنووری پارێزگای سلێمانی سەرووی 300 هەزار تۆن گەنم بەرهەم دێت، بەڵام شوێنی پێویست نەبوو بۆ هەڵگرتنی گەنمەکە لە #هەولێر# و #دهۆک#یش کێشەی کەمی شوێنمان هەبوو.
ئاماژەی بەوەشدا: ئه و سایلۆیانە لەڕووی ئابورییەوە سوودی زۆریان دەبێت بۆ ئه و ناوچانەی کە جووتیاران گەنمی زۆر بەرهەم دەهێنن و توانای گلدانەوە و هەڵگرتنی گەنم زۆرتر دەبێت.[1]
#04-01-2020#
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 2,131 անգամ
Գրեք ձեր մեկնաբանությունը մոտ այս նյութը!