دواڕۆژ، ئاراس عەزیز
وەزیری بازرگانی حکومەتی هەرێم ڕایدەگەیەنێت: لەساڵی ڕابوردوودا 98 کارگە بەسەرمایەی 142 ملیۆن دۆلار لەهەرێمی کوردستان دامەزراون و بەو هۆیەوە توانراوە هەلی کار بۆ زیاتر لە 2 هەزار و 500 کەس دابین بکرێت.
کەمال موسلیم، وەزیری بازرگانی و پیشەسازی حکومەتی هەرێم لە کۆنفرانسی پەرەپێدانی کەرتی پیشەسازی (ئەمڕۆ دووشەممە 13ی کانوونی دووەمی 2020) ڕایگەیاند: لەساڵی ڕابوردوودا نزیکەی 98 کارگە بە سەرمایەی 142 ملیۆن دۆلار لەهەرێمی کوردستان دامەزراون و توانراوە هەلی کار بۆ زیاتر لە 2 هەزار و 500 کەس دابین بکەن.
وتیشی: ژمارەیەکی زۆر لەو کارگە و کۆمپانیایانە توانیویانە بەرهەمی خۆماڵی بەکوالێتییەکی بەرز بەرهەم بهێنن و بەشێکی زۆری پێداویستی خەڵکی کوردستانی پێ پڕبکەنەوە.
وەزیری بازرگانی ئاماژەی بەوەشکرد: هەر وڵاتێک سێکتەری نەوتی وەک تاکە سەرچاوە بەکارهێنا بێت لەبوارەکانی سیاسی و ئابوریش توشی دەردی کوشندە بووە، بۆیە وەک لە کارنامەی حکومەتی هەرێمیش هاتووە هەوڵ بۆ دۆزینەوەی بەدیلی نەوت و پێشخستنی سێکتەرەکانی بازرگانی و پیشەسازی و کشتوکاڵ و گەشتوگوزار دەدەین.[1]
#13-01-2020#
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 1,638 անգամ
Գրեք ձեր մեկնաբանությունը մոտ այս նյութը!