سکرتێرە 03
یەکسەر دەستم لۆ زنجیری پانتۆڕەکەم برد هەرمکێشا، باشبوو لەبەر دەنگەدەنگ و چەپرە لێدانێ کەس گێی لەدەنگی هەرکێشانی زنجیرەکەی نەبوو، وەزیرەکی دی سووندی خواردو هاتە تەنیشتە من، زەردەخەنەکم لۆ کردو پیرۆزباییم لێکرد، وەرامی دامەوەو گۆتی : دەزانی ئەمن زۆر موعجیبی توو و جەنابی سەرۆک وەزیرانیمە ! گۆتم : لۆ ؟ گۆتی : هەردووکتان هێشتا سووندتان نەخواردیە زنجیرەی پانتۆڕتان کردەوە، دیارە بەتەمانە دارو بەردی ب...ن..!! چاوم زەق بۆوە، بە تیچاوی تەماشا پێشی پانتۆڕی سەرۆک وەزیرانم کرد دیتم ئیویش کرایتەوە..! بەهێمنی و لەکاتی چەپرە لێدانێ، سەرم لەبن گێی ناو گۆتم : گەورەم وابزانم زنجیری پانتۆڕی جەنابیشت کرایتەوە..!! چاوی زەق کردەوەو تەماشای کردم و گۆتی : کورە دەوس..! گۆتم : ئەرێوەڵلا..! بەهەر نەوعەکی هەبوو خۆی سوڕاندو زنجیرەکەی ڕاکێشا، پاشان ڕووی لەمن کردو گۆتی : کاکە بە تکەی خۆم هەردەستم و حەیوانەکەم سەحب کردەوە، بزەکم لۆ کردو گۆتم : هەر گێش مەدێ..!
لەداڵغەکەی هاتمەوە سەرەخۆو گۆتم : باشە دەبی بمکەنە وەزیری چ !؟ بەینەکی فکرم کردەوە، گۆتم : وەڵلا ڕەنگە پەروەردە باشبی، ماوەکی مامەستابووم و دەرسم باش دەگۆتەوە، دوایێ مەجالی تێدا خزمەتەکی باش بکەی، دوایێ گۆتم : نابابە بەکەلکی توو نایێ، کێشەو دۆخەی زۆرە، زراعەی وەرگرە، وەڵلا ئەوباشەو ئەمە بابەلباب فەللاحەتیمان کردیەو بەسەتان دۆنم عاردمان هەبوو، ئێ دوایێش بەخۆم زۆر حەزم لەسەوزاتی و داروباریە، ئەغرەب جمعان دەچمە ئەو دەشت ودەرەی و هەوای پاک هەردەمژم و چاوم شەحن دەکەمەوە بە تەماشاکردنی کەسکایی ئەو کوردستانەی، ماشەڵلا هەدیقەی مارێشم پڕی گورو گورزارەو دایم دەستم پێوەیە..! هەستامەوە بڕەک هاتووچووم، گۆتم : نەکەی خۆت تووشی زراعەی نەکەی، ئەتوو تاقەتی بینەو بەردەی جۆتیارانت لەکێبوو، گەنمەکە وەرگیرا یان، پارەکە هات یان نا، چت لەو حارەی دایە، وەزارەتەکی دی وەرگرە..!
دەهاتم و دەچووم، چ وەرگرم چ وەرگرم، وەڵلاهی زەحمەتیشە ناوخۆو بەرگریم بدەنێ، بابە ئەوەی لۆخۆیان دادەنێن کوو دەدەنەتوو..! ئێ ئەدی کاروباری کۆمەڵایەتی !؟ وەڵلاهی ئەوە باشە، ئەمن بەخۆشم پیاوەکی کۆمەڵایەتیمەو هەر لەتازیانم، سەردانی نەخۆشان دەکەم و جارجاریش سەر لە دیوەخانی عەشیرەتەکان دەدەم و پیاو ماقوڵانیش دەبینم، بەنامووسم ئەوە باشە، هەر ڕۆژەی لەمارێ سەرۆک عەشیرەتەکی دەعوەت دەبم سێ چار مەڕم لۆ سەردەبڕن و تێر تێر سێلفیشم لەگەر دەگرن..!
دیسان بڕەک هات و چووم، خۆم دەلەقاندو دەستم ڕادەوەشاندو شانم دەجولاند، ئاخر لە تەلەفزیۆنی دیتیتم وەزیرەکان ئەوها دەڕۆن و ئەوها قسان دەکەن، ئێ وایە دەبی ڕۆیشتنم بگۆڕم و تۆنی دەنگم دەستکاری بکەم و شان و ملم جوان ڕابینم لەسەر ئەوەی بە وەزیران بچم..!! بەینەکی هات و چووم، هەر لەدری خۆم گۆتم : کورە ئەتوو شێتی وەزارەتی کارو کاروباری کۆمەڵایەتی وەردەگری، بڕۆ بازرگانی وەگرە، ناوەڵلا داد باشترە، نەبابە ئاوقاف باشە، حەشرم لەگە مەلایان دەبی و ئێ بابیشم مەلایە، مەجلیسی مەلایانیش زۆر خۆشە و خەنی دەبم لەگەر نووکتان، هەموو سارێش هەرچی خزم و ناسیارە دەیاننێرمە حەجێ و تێر دوعام لۆ دەکەن، هەرجمعەی لەمزگەفتەکیش خوتبەی دەکەم، هەتا بزانم مامەستایەکان کوو خوتبەی دەدەن و باسی چ دەکەن..!!
وەلحاسر وەزارەت نەما دەستنیشانی نەکەم و دوایێش ڕەفزی نەکەم، شەوەکەم بەو حارەی بەڕێکرد، باشبوو بە نوێژی بەیانی ڕاگەیشتم و لەسەر دووگردی تێرم دوعا کردو هەندم پف لەخۆکرد، گۆتم هەونکە بە دووگردەوە دەفڕم و دەچمە عاسمانێ، ڕۆژهەرات و چوومە فڕنی سەموونی، خەرک سڕەی گرتبوو، پارەی دانابوو، ئەمن لەپشتەوە ڕاوەستام وەکی ڕۆژان پارەم لەسڕەی دانەنا، عەلا ئەساس کابرا دەبتە وەزیرو نابی سڕەی بگری..!! هەر چاوەڕێبووم وەستایەکە برێ جەنابی وەزیری بەڕێکەن با تاخیر نەبی، تەماشا ئەولاو ئەولام دەکرد بزانم کێ دەرێ : ئەڵلا لەو وەزیرە باشەی، بەخۆی هاتیتە فڕنی و وەکی ئەو خەرکەی سەموونی وەردەگری، کەس خۆی لەگوورە نەبرد، دوایێ وەبیرم هاتەوە خۆئەمن هێشتا نەبوویمە وەزیر و ئەو هەموو پۆزەی لێدەدەم، لۆیێ پارەکەم لەسڕەی داناو پاش بەینەکی سەموونەکەم وەرگرت و خشیم لۆلای مارێ..!
گەیشتمەوە ژۆرێ دیتم داکی منداران لەخەوێ هەستایەو چایەی وەسەنایە، سەلامم لێکردو بێ ئەوەی ئاوڕ داتەوە، گۆتی : سەموون هینا ئەتوو ؟ گۆتم : بەرێ، چووم دانیشتم و چایەکەی هیناو تێیکرد، دانیشت و پاروەکی لە ماستی داو گۆتی : ئێستا باشتر ئەتوو ؟ خۆ شێتی ئەو شەو بەریدا ؟ گۆتم : شێتی چ ؟ گۆتی : شێتی بوون ئەو وەزیر خخخخخخخخ، وەڵلا وەبیللا نەمناسیبا ئەمن دەگۆ : جەڕە ئارەق خواردی، ئەوزە ئەسلەکە ئەوی لەعەینکاوە دروست دەکڕێ خخخخخخخ..!! گۆتم : دەرێی باوەڕ ناکەی تەلەفۆنیان لۆ کردیمەو ئەوڕۆ دەچم سووندی دەخۆم ؟ گۆتی : لازم هێشتا بەری نەدا، بڕۆ سەر بدە ئاو لەناو مەغسەل ! گۆتم : بەسەری توو ڕاستیەو دەمەکی دی دەچم سووندی دەخۆم..! پیارە چایەکەی لەدەوی کردەوەو بەتووندی داینا سەر بن پیارەکەی، گۆتی : ئەو مۆبایلە بدێ ئەمن ! گۆتم : لۆچتە ؟ گۆتی : تەلەفۆن لۆ بابت دکەم بێ بخین لسەڕت، حەتتا زیاتر لێت نەکڕد تووند ئوو ئەمن نەخنکاند..!! گۆتم : وەچاکە لەگەتوو نەدوێم و وازت لێبینم، هەتا بەچاوی خۆت نەبینی بوویمە وەزیر باوەڕ ناکەی، ئەوڕۆ دەشبینی کوو تەلەفزیۆنەکان ڕاستەوخۆ مێردت پیشان دەدەن وەکی سووندی دەخۆم..!!
هەرکووی هەبوو نانەکەم خوارد، نازانم کوو دەچووە خوارێ، زۆریشم نەخوارد گۆتم : کێ دەرێ نیوڕانێ دەعوەتی سەرۆک وەزیرانی نیمە، خواردنی وێ بخۆم زەریف ترو بەتام ترە..!! چوومە ژۆرێ و دۆرابم کردەوە هەتا قاتەکی جوان لەبەرکەم، هەرچەند هینام و بردم نەمزانی کیهان هەربژێرم، دوایێ گۆتم : وەچاکە جلکی کوردی لەبەرکەم، ئەوڕۆ ڕۆژەکی پڕشنگدارە لەمێژووی کوردو کوردایەتی..!! دوایێ ڕای خۆم گۆڕی چاکەت و پانتۆڕەکی نیللیم لەبەر کردو بۆینباخەکی سۆریشم بەست، ئاخر (تڕامپیش) بە زۆری ئەو نەوعەی قاتەی لەبەرە، دوو سێجار دەستم لۆ زنجیری پانتۆڕم بردو تەئکیدم کردەوە قەپاتە، گۆتم با حەیام نەچی، جارێ پەلە چیە لەکردنەوەی، وەکی سووندم خواردو چوومە سەر کورسی وەزارەت، هەنگی بە کاملی ئیسراحەت دەیکەمەوە..!!!!!
مایتی.....[1]