عەدێ و مەدێ 06
گۆتم : ئیشاڵلا تڕومبێل لە مندارت نادا و هەر ساغ دەبن، بەڕاستی غەدرە ئەو جادە جوانەی تێک دەدەی، ئاخر خۆ ناکرێ هەرکی قیت بۆوە تاسەکی لە پێش دەرکەی دروستکا، مەیکە عەدێی برام مەیکە ! عەدێ خۆی هەر لە گورە نەبرد و گۆتی : دەی زووبن سەگبابینە ئەو قیڕەی ئاگر تێبەردەن ! گێ مەدەنە ئەو کابرایەی ئەوە تێناگا ! مەدێ بە جواب هات و گۆتی : عەدێی برام، مادام ئەمن و ئەتوو ئەولا و ئەولامان لێگرتیە، هەر تێیدەگەینین، ئەگەر لۆ ڕۆژەکیش بی !
زانیم لەگەوانە فایدەی نیە، لۆیێ کشامەوە بن دیواری و لەبە سێبەرێ ڕاوەستام، مەدێش دەستی هەردەشەقاند و دەیگۆتە جاحێرەکان، دەی زووبن لە چاوێ من و کەوی ! گۆتم : ئەرێ مەدێ، ئەو هەموو جاحێرە منداری عەدێینە ؟ گۆتی : ناوەڵلا منداری وی بێزیان نایێ ئەو ئیشانە بکەن، گۆتم : دیارە وەزیفەی باشیان هەیە و پێیان شەرمە ئەو ئیشانە بکەن، گۆتی : ئەلهەقی ئەوانەی لە هەژدە ساری تێپەڕینە هەموو دامەزراینە، بەران دەوام ناکەن و خۆڕی خۆڕی دەسوڕێنەوە، هەونکە تاقیبیان بکەی لە کافیتیریایان دەیانبینەوە برقە برقی لە نێرگلەی هەردەستێنن ! گۆتم : ئەدی ئەو هەموو جاعێرە کێنە ئیشی لۆ دەکەن و ماری دەیننە خوارێ ؟ مەدێ جغارەکی دەرینا و پێی کرد و گۆتی : خۆڕی و مۆڕی مقەڕینە، لۆ هەندێ نەبی لۆ چ باشن !
وەختەکی کیژەکی عەدێی هاتە دەرێ و گۆتی : بابۆ، حیلاجەکمان لێبکە ! عەدی گۆتی : عیلاجی چت لێبکەم تیترواسک، خۆ بە مێردت نادەم ! کیژەکەی گۆتی : مێردی چ و عاری چ، ئاو نایێ ئاو، یەک قەترە ئاو لە تانکی دانیە لە دەوێ خۆ وەرکەی ! عەدێ ئەعسابی نەما، شین مۆر هەرگەڕاو گۆتی : توخوا ئەوە وەزعە، دەردی کابرای ئارەق خۆر گۆتی : مەعقول چیە ئاو نەبی ! ئەمنیش بە فرسەتم زانی و گۆتم : بە خودای حوکمەتاتی ئەوها نیە، بەران چبکەین ! جەماعەت تێکڕا دەستیان لە ئیشەکەی بەردا و لە من ڕامان !
مایتی.[1]
Այս տարրը գրվել է (کوردیی ناوەڕاست) լեզվով, սեղմեք պատկերակը
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 803 անգամ
Գրեք ձեր մեկնաբանությունը մոտ այս նյութը!