قوماش 22
نووسینی: #ئوسامە جەمیل#
هەرچەندی خۆم هینا و برد خەوم لێنەکەت و لێنەکەت، هەستامەوە بەینەکی دانیشتم و فکرم کردەوە، باشە ئەمن لۆ ئەوها بە تووندی قسەم لەگەر بابم کرد، وەڵلاهی نەدەبا ئەوها تووندبم، باشە ئەمن سبەینێ هەورینی بینم و داکم و بابم لێم توڕە و لالووت بن، ئەو ژنهینانە چ تامی هەیە، ئەو وەختی دەبی خانیەکی بە کرێ بگرم و بچمە دەرێ، ئێ باشە ئەمن هێشتا دانەمەزرایمە، کرێی خانیم بە چ پێ دەدرێ و مارم بەچ پێ بەڕێوە دەچی! ئەو پرسیارانە و دەیان پرسیاری دی لە مێشکم دەهات و دەچوو، هەر چەند دەمکرد وەرامەکەم دەست نەدەکەتەوە، خەریک بوو تەسلیمی داک و بابم دەبووم، لە هیکڕا بازۆم دەهاتەوە پێش چاوی و دەیگۆ: تەسلم نەبی، بەهێز بە، ئەتوو شێری، ژیان ژیانی خۆتە، ئیرادەت تەسلیمی کەس نەکەی، مرۆڤ دەبی خاوەن بڕیاربی، کۆیلەی بڕیاری کەس نەبی، هەورین لۆ توو هەموو شتە، هەورین هیوا و ئاواتە! لەگەر ئەو داڵغە و خەیارانەی بازۆی حەماوەم هەردەستاوە و دەمگۆ قەت تەسلیم نابم، بەردەوام دەبم، یان هەورین یان دەمرین، ژیان یەعنی هەورین، ڕاستە بابت و داکت ماوەکی لێت توڕە دەبن، بەران پاش ماوەکی گێژنەک موناسەبەک دێ و هەر ئەوەندەی دەبینی، هێوارەکی بە خۆ و بە مەنجەرە دۆڵمەکی بەسەرت دادەن و بابت هەشت نۆ ماچت لێ دەکا و داکیشت باوەشت پێ دەکا و تێر تێر لۆ دەگریێ، ئەوجە داکت باوەش بە هەورینی دەکا و دەرێ: ئۆخەی بوکی گەورەم دەوەرە تێر تێر بۆنت کەم، ماشەڵلا چەند نازدارە نازدارە، هەورین سفرەی ڕادێخی و سنیەکی ستیل دادەنێ و داکم دۆلمەکەی لەسەر ڕوودەکا، دەکەوینە سەر دۆڵمە و ماستاو و تورشیە زەرد و نانی کوردەواری، بابم وەکی هەریشستا بڕوا ماچەکی لە هەورینی دەکا و سەت دیناری لە مستی دەنێ، ئەوجارە ئەمن ماچ دەکا و دووسەت و پەنجا دیناریش لە گیرفانی بێجامە خەتخەتەکەم دەنێ، ئەوی داکی هەورینی بە دیاری لۆی کڕیمە!
لەو داڵغانە دابووم، داکم دەرکەی کردەوە و گۆتی: هەستە بڕۆ پێش دەرکەی هەستە، بازۆ چاو بەلەبۆقی برادەرت هاتیە، دەوجە ئاخیرت خێربی لەگەر بازۆی کوڕی گەلە بە ئۆین و دۆرابی! گۆتم: ئەدی کا بابم بچم دەستی ماچ کەم؟ گۆتی: بابت لەگەر برادەرەکی شۆڕ بۆوە لۆ لای مزگەفتێ، گۆتی: حاجی نیعمەت مەولودی کردیە و لە دووی ناریمە، دەچم بڕەکی لەوێ دادەنیشم! هەستام چوومە دەرێ، دەبینم بازۆ لە پێش دەرکەی ڕاوەستایە، بەخێراتنم کرد و گۆتم: ئەوە لە چ دەگەڕێی، ئەجەلت هاتیە؟ گۆتی: لۆ چبووە؟ گۆتم: ئەو عەنتەریاتەی ئەوڕۆی من، داکم هەمووی لە نیوچەوانی تووی حیساب کردیە! گۆتی: چوویە ماری قەدوری لۆ داواکردنی بەفرینی؟ گۆتم: کورە دە تێبگە هەی ئەنیمڵ(حەیوان)! بەفرین نیە و هەورینە، هێشتا نەشچوومە، گۆتی: زوو جلکت بگۆڕە بابڕۆین، درەنگە، گۆتم: لۆ ئەتووش لەگەرم دێی؟ گۆتی: ناوەڵلا هەتا سەری کۆرانێ لەگەرت دێم، دەمەوێ بزانم کوو تۆپانێت پێ دەکەن، مەرەقمە حەفتەکی لە خەستەخانەی بکەوی و سێسەت بتلە ئاوت تێبکەن! گۆتم: دە وەڵلا مادام ئەوهابی ناچمە ماریان! گۆتی: کورە سوحبەتم کرد زوو خۆ بگۆڕە بابڕۆین!
خۆم گۆڕی و بەڕێکەتین، بازۆ هەر هانی دەدام و دەیگۆ: ئازابە، مەترسێ، بەهێزبە، کۆڵ نەدەی، کۆڵدان پیشەی پیاوی دۆڕایە، گۆتم: بازۆ بەسە ببڕێنەوە، تازە لەسەر قسەی تووئەمن خۆم هاویشتتە سەر چەقووی، یان دەردەچم، یان تێدەچم! لەو قسانە دابووین و گەیشتینە سەری کۆرانی ماری هەورینی، لاقم دەستی بە لەرزینی کرد و دریشم لەسەر سەت و بیستی لێی دەدا، دەتگۆ لۆ غورفەی ئیعدامیم دەبەن! گۆتم بازۆ لاقم دەلەرزی! گۆتی: سەرکەوتن بەڕێوەیە! گۆتم: درم لێدەدا، گۆتی: ئێ ئەگەر لێنەدا سەگتۆپ دەبی و دەمری، مەترسێ و خۆ بە بەحرێ دادە! وەڵلاهی بازۆ زۆر تەشجیعی کردم، فاتیحەک و ئایەتەل کورسیەکم خیند و گۆتم: ئەڵلا بە ناوت، بازۆ لەسەری کۆرانێ ڕاوەستا و ئەمنیش لۆ ماری هەورینی چووم!
مایتی.[1]
Այս տարրը գրվել է (کوردیی ناوەڕاست) լեզվով, սեղմեք պատկերակը
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 651 անգամ
Գրեք ձեր մեկնաբանությունը մոտ այս նյութը!