ژنانی (سەرژنانی)
هەر کۆمەڵگایەک، چەند دابونەریتێکی تایبەت بەخۆی هەیە، ئەم دابونەریتانەش لە زماندا ڕەنگدانەوەیان هەیە، بە وشە و زاراوەی تایبەت دەربڕینیان بۆ دەکرێت، تێڕوانینیش بۆ ڕەگەزی نێرومێ لە کلتورێکەوە بۆ کلتورێکی دیکە، جیاوازە، ئیدیۆمی (ژنانی، یان سەر ژنانی)، کە لە ڕووی وشەسازییەوە بەمجۆرە دروستبووە: ژن + (_ انی) > ژنانی، بۆ کەسێکی نێرینە بەکاردێت کە لەکارو کردەوە و خو و ڕەوشتدا وەک مێینە بجوڵێتەوە و حەز بە قسەی ناو ژنان و هێنان و بردنی قسەیان بکات. ئەم دەستەواژەیەش لەگەڵ وشەی (ژنانە)، جیاوازە، کە بۆ شتومەک و جلوبەرگ و ئه و بابەتانە بەکاردێت، کە تایبەت بن بە ڕەگەزی ژن و مێینەوە، هەروەها بە ژنێکی سەلار و ڕێکوپێک و خاوەن خو و ڕەوشت و ئاکاری باش، دەگوترێت:(ژنێکی ژنانەیە)، بە پێچەوانەی ئەمەوە به و ئافرەتەی لاسایی پیاو دەکاتەوە و لە ڕەوشت و سروشتی خۆی دەردەچێت، دەگوترێت: (فاتە کوڕانی). [1]
Այս տարրը գրվել է (کوردیی ناوەڕاست) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 826 անգամ
Գրեք ձեր մեկնաբանությունը մոտ այս նյութը!