#سەلاحەدین دەمیرتاش#، هاوسەرۆکی پێشووتری #پارتی دیموکراتی گەلان# - هەدەپە تەقینەوەکەی ئیستەنبووڵی بە هێرشێکی تیرۆریستی ناوبرد و بە نەفرەتی کرد.
دوای تەقینەوەکەی ئەمڕۆ یەکشەممە 13-11-2022ی شەقامی ئیستقلالی ئیستەنبووڵ، سەلاحەدین دەمیرتاش کە ئێستا لە گرتووخانەی ئەدیرنەیە، تویتێکی بڵاوکردەوە و سەرکۆنەی ئەو هێرشەی کرد. لە بەشێکی تویتەکەی دەمیرتاشدا هاتووە: هەر کێ بە هەر ئامانج و هۆکارێک ئەمەی کردبێت، هەر هێرشێک خەڵکی سڤیل بکاتە ئامانج، لەڕووی یاسایی، ئەخلاقی و ویژدانییەوە تیرۆرە و هەرگیز قبووڵی ناکەین.
دەمیرتاش هەروەها لە بەشی دووەمی تویتەکەیدا دەڵێ: ئەو هێرشە تیرۆریستییەی شەقامی ئیستقلال بە نەفرەت دەکەم کە بە ئاشکرا خەڵکی سڤیلی کردە ئامانج. داوای ڕەحمەتی خوا بۆ ئەوانە دەکەم کە گیانیان لەدەستداوە و سەرەخۆشی لە کەسوکاریان دەکەم. هەروەها هیوای شیفا بۆ برینداران دەخوازم.
ئێوارەی ئەمڕۆ یەکشەممە 13-11-2022 تەقینەوەیەک لە شەقامی ئیستقلال لە ناوچەی تاکسیمی ئیستەنبووڵ ڕوویدا. بەهۆی ئەوەی ئەمڕۆ ڕۆژی یەکشەممە بوو کە پشووی هەفتەیە، شەقامی ئیستقلال قەرەباڵختر بوو لە ڕۆژانی ئاسایی.
هەروەها، پارتی دیموکراتی گەلان - هەدەپە لە تویتێکدا تەقینەوەکەی سەرکۆنە کرد و نیگەرانی و خەمباریی بۆ تەقینەوەکە ڕاگەیاند و سەرەخۆشیی خۆی ئاڕاستەی خەڵک کرد.[1]
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 1,052 անգամ
Գրեք ձեր մեկնաբանությունը մոտ այս նյութը!