دەنگدانا ژ بۆ هلبژارتنێن سەرۆکۆماری و خولا 28ێ یا پارلامەنتۆیێ ئیرۆ دەستپێکرن و وەلاتی ژ سائەت 08:00ێ سبێ هەتا 17:00ێ ئێڤاری دێ دەنگێ خوە بدن.
ژ بۆ هلبژارتنا سەرۆکۆمار و ئەندامێن نوو یێن پارلامەنتۆیێ، زێدەتری 191 هەزار سندۆق ل هەزار و 94 ناڤەندێن دەنگدانێ هاتنە دانین.
تێ تەخمین کرن کو ئیرۆ 60 ملیۆن و 697 هەزار و 843 وەلاتیێن ترکیێ یێن ژ 18 سالی مەزنتر دەنگێ خوە بدن.
پێڤاژۆیا هلبژارتنێ د سائەت 08:00 ێ دە دەست پێ کری یە و د سائەت 17:00 ێ دە ب داوی دبە.
دەنگدێر ب رێیا نامەیێن SMS هاتنە ئاگاهدارکرن کو دکارن ل کو دەرێ دەنگێ خوە بدن، کەسێن کو نامە نەگهیشتنێ ژی دکارن ژ مالپەرا فەرمی یا لژنەیا بلندا هلبژارتنان یا ترکیێ بچن ناڤەندا خوە یا هلبژارتنێ. گەر هلبژارتن دەرباسی توورا دویەمین ببە، هلبژێر دێ ل هەمان ناڤەندێ دەنگێ خوە بدە.
ل ناڤەندا دەنگدانێ کامیرە و تەلەفۆن هاتنە قەدەغەکرن.
دەنگدێر دو کارتێن جودا یەک ژ بۆ هلبژارتنا سەرۆکۆماریێ و یا دن ژی ژ بۆ ئەندامێن پارلامەنتۆیێ تێخن سندۆقان.
پێشی پێڤاژۆیا دەنگدانێ ب داوی دبە، دەستپێکێ دەنگێن سەرۆککۆمار تێن ژمارتن و پاشێ ژی دەنگێن پارلەمەنتۆیێ.
هەر یێک ژ رەجەپ تایییپ ئەردۆگان، کەمال کالچدارئۆغلو و سینان ئۆگان ژ بۆ سەرۆکۆماریێ کاندیدن.
24 پارتی و 151 نامزەدێن سەربخوە د هلبژارتنێن خولا 28 ێ یا پارلامەنتۆیا ترکیێ دە جﮪ دگرن.
پارتی دێ ب 5 تفاقێن جودا بەشداری هلبژارتنان ببن: کۆماری، نەتەوە، ئاتا، کەد و ئازادی و یەکیتیا هێزێن سۆسیالیست.
ئاکەپە، مەهەپە، بەبەپە و پارتیا رەفاهێ یا یەنیدەنێ، دێ د بن ناڤێ تفاقا جومهور دە بەشدارن.
جەهەپە، ئاک پارتی، پارتیا فەستیڤال، پارتیا پێشەرۆژێ، پارتیا دەمۆکراسیێ، پارتیا دەمۆکراسی و پێشڤەروو و پارتیا دەمۆکرات ب ناڤێ هەڤپەیمانیا نەتەوی.
پارتیا کەسک و چەپا پێشەرۆژێ (پارتیا چەپا کەسک) و پارتیا کارکەرێن ترکیێ (تەپەپە) ژی د بن ناڤێ کۆئالیسیۆنا کەد و ئازادیێ دە جﮪ دگرن.
پارتیا دەمۆکراتیکا گەلان (هەدەپە) کو ل دادگەها دەستوورا بنگەهین ب گرتیبوونێ رە روو ب روویە ژی د لیستەیا پارتیا چەپا کەسک دە جﮪ دگرە.
پارتیا زافەر و پارتیا عەدالەتێ ب ناڤێ کۆئالیسیۆنا ئاتایێ، پارتیێن دن یێن وەکی پارتیا کۆمونیستا ترکیێ، تەڤگەرا کۆمونیستا ترکیێ و پارتیا چەپ ژی ب ناڤێ یەکیتیا هێزێن سۆسیالیست بەشداری هلبژارتنێ نە.[1][2]