پەنج جوری هامسەرگیریۍ دلۍ زەردەشتیەکانە:

پېسە مزانمۍ کارو فرە ژەنی دلۍ زەردەشتیەکانە ناڕەوان، بەڵام چن جورۍ هامسەرگیریۍ هەنۍ، پی تەرزە:
1.پاشاژەن: پا ژەن و مېردەیە ماچان کە کناچێ باڵقەی گەنجە بە ڕازی بېیەی وېش و ئەڎا و تاتەیش شوو کەرۊ بە کوڕێ، بە وەیوۍ پەیش بەران.
2.
چاکزژەن: پا هامسەرگیریە ماچان، وەختێ بېوەژەنێ دمای مەردەی مېردەکەیش، شوو کەرۊن بە کەسێ تەری.
3.یەکانەژەن: هامسەرگیریێن، کەسێ کناچێ مارە کەرۊن، تەنیا کناچۍ یانەی بۊن، گەر یەکەم لەمش کوڕێش بۊن، کەراش بە کوڕو تاتەو ژەنەکۍ، یانی کوڕو بابایش، ئیتر هەر میراتیێ جە تاتەو کناچەکېوە جېیا مەنۊ، پەی ئا کوڕەیە بۊن.
4.سترژەن: هامسەرگیریێن، گەر کوڕێ گەنج، یان پیېوە بېژەن مرۊن، کەس و کارو مەردەکەی بە خەرجی وېشان کناچێ مارەکەران پەی کوڕێ تەری، بەشەرتێ پەیمان بڎان یۊ جە کوڕەکاشا بە کوڕو کابرای مەردەی بڎا قەڵەم.
5.خودسەرژەنی: ژەنی خاوەن ڕا: هامسەرگیریێن کە کوڕ و کناچێ بە ڕازی بېیەی وېشا هامسەرگیری کەران، بەڵام ئەڎا و تاتەو کناچەکۍ ڕازی نېیەن، هیج کەسێ نمەتاوۊ ڕاشان وەنە گېرۊن، بەڵام کناچەکۍ جە میراتو تاتەیش بېبەشە بۊن، مەر تاتەش و ئەڎاش بە نویسیایێ بەشەش پەی دیاری کەران.[1]