ناڤ: بەیان
ناسناڤ: بۆمبا
ناڤێ بابی: مەحموود
ساڵا ژدایکبوونێ: 1965
جهێ ژدایکبوونێ: #سلێمانی#
$ژیاننامە$
خانمە ئەکتەرا کۆمێدی، بەیان مەحموود عەلی یا بەرنیاس ب (بەیان بۆمبا) ، ساڵا 1965 ل تاخا کانی ئاسکان یا باژێڕێ سلێمانی ژدایک بوویە، پشکا شانۆ یا پەیمانگەها هونەرێن جوان یا سلێمانی تمام کرییە، ساڵا (2019) خوەندەکارا پشکا سینەما بوویە ل کۆلێژا هونەرێن جوان و سەرپەرشتیارا هونەریی ل چالاکی یێن خوەندنگەهێن سلێمانیێ بوویە.
ناسناڤێ بۆمبا ل بابێ وێ ڕە مایە، ساڵا 1923 دەمێ کو ناکوکی دناڤبەرا #شێخ مەحموودێ حەفید# و ئینگلیزان دا هەبییە، داخواز ل خەلکێ باژێڕێ سلێمانیێ تێ کرن کو باژێڕ چول بکەن، چونکی باژێڕێ سلێمانی دا هێتە بوردمان کرن،دەمێ کو مەحموودی بابێ بەیان ژدایک بوویە، ئێکەم تۆپ ل مالا #حەپسە خانی نەقیب# کەتییە، لوی دەمەی مامانەکە هەوار دکەت و دبێژیت ‘ئەرێ وەڵڵا خولە بۆمبا ژدایکبوو’، هەیا نها ژی بۆمبا بوویە ناسناڤێ مەحموود و ماڵباتا وی.
دەستپێکا کارێ هونەری یێن بەیان بۆمبا ڤەدگەڕت بو ساڵا 1974، کو ل پۆلا سێیەم یا سەرەتایی پشکدارییا کارەکە هونەری کرییە. وەرگتنا ڕولێ فیلمان ژبو بەیان بۆمبا ئاسان نەبوویە و وەکو هەر ژنێکە دن ئاستەنگێن خوە هەبووینە.
بۆمبا، تیشک دخە سەر بینینا زەڵامێن کوردان بو ئەکتەرێن ژن و دبێژیت: ئەو وە دزانن، ژنێن ئەکتەر پەیوەندیی یێن سۆزداریی تەڤی هەمی زەڵاماندا دادنێن، لێ بەروڤاژییا ڤێ دروستە کووژنێن هونەرمەند زور ئاگاداری ناڤبانگێ خوە دبن. ئەڤ هونەرمەندە، زور جاران ڕۆڵێ وان کەسان دبینیت، کو ‘قسەیان دهینن و دەبەن و لسەر ڤێ چەندێ دبێژیت کوو: من دڤێت ڤێ چەندێ ل ڕییا هونەرێ خوە ڤە ژبو کومەڵگەهێ دیار کەم کوو ئەڤ کارەکە گەکەک پیس و قیزەوەنە. درامایا گەردەلوول، ل دەرهێنانا #جەلیل زەنگەنە# ئێک بوویە لوان درامایان کو بەیانێ تێدا ڕولێ خوە هەبوو. وەکو ئەو بخوە دبێژیت، بەری پشکداری کرن ل هەر فیلم، دراما یان شانۆیەکێ، ئەز دەبیت دیالۆگا وێ ببینم و پشتڕە بڕیار لسەر کارکرنێ ددەم.
ئەڤ هونەرمەندە ب گشتیی ل 85 کارێن شانۆ، دراما و فیلم-دا بەشداری کرییە ب نموونە، شانۆیێن (گەڕان بە دوای دەستگیرانداریی، مێوژی بەرخۆر، هێشتا قسەکانمان تەواو نەکردووە، میراتیی، موختار و ژنانی گەڕەک، بەنی عێز، قەرەج…هتد) هەروەها (گەردەلوول، ڕۆژژمێری باژێڕێک، سایە، سەراب، پرۆفیشاڵ، پەتریپۆت) چەند نموونەیەکێن ئەوان درامایانەنە، کو بەیان تێدا پشکدار بوویە، ل کوورتە فیلما (دنیا و دەلاک) ، هەروەها فیلما درێژی (کێوی دڵ، دڵی سوور) -یش دا بەشداریی کرییە و نها ژی (2019) مژیویلی کوورتە فیلما (ئاهەنگ)ە . بەیان بۆمبا پەیاما خوە ژبو ژنێن چوار پارچەیێ کوردستانێ دنێریت، کو ئەوێن حەژێ کەرێ کارێن هونەرینە ل توو تشتەکی نەترسن.[1]