ڕۊمانەو چنارەی بە زوانی ئەڎاییم
ڕومانوو چنارەی ئەوەڵ ڕومانێوە بە زوانی ئەڎایی بۍ کە گېرتم دەسمۆ. مووچرکان گرتێبێنێ. هەرمانێ فرێم بێنێ و جارەی وەختم نەوێ دەسپەنەکەروو بە وانایش. سووچوو مێزوو هەرمانەکېیمەنە نیابێمەرە و هەرچییەی دیێنېش پۆ، سەرو چەمېوەم وەنە قرتنێ و خەمزێوەم پەی کەرۍ. ساعەت دوێ دماو نیمەڕۆی بێ، واتم با دە پانزە پەلێوەش چەنە بوانوونۆ و بزانوو باسوو چېشی مەکەرۊ. (443) پەڵێ بێ، تاکو تەمامم نەکەرد نەتاوام بنیەوشەرە. لێ (24) ساعەتێنە وەنەمۆ.
بییەبێنێ یۊ جە خەڵکوو چنارەی. چەنی سەڵاتوو سۆحی چەنیشان هۆرزێنەی. وېم لێ تەڵانەکانوو باخەکانشانەنە وینینێوە. کەشە بەرزەکێ و تەموو مژوو سەرو کەشەکان وەروو چەمیمۆ بێ. هۆرە ترێشقە و شۊڕەو وارانی و ئاوەو دەرەکەی لێ گۊشیمەنە دەنگ دېوە. بە وەشییەکانشان بزېوە گنێ سەرو لچانمۆ و چەنی خەموو نەڎامەتییەکانشان نەتاوێنێ وەروو هەڵسەکانم گېروو.
ئایا چنارە کەم و کۆڕییێش نېیەنێ؟ بەشێوە چا چېوانە کە بە کەمووکۆڕی مەنمانیان مە گېلانێوە پەی جیاوازی سەلیقەی و بەشێوەیچشان پەی دنیاوینی و سەواد و ئەزموونێ بەینوو کتێو نویسی و کتێو وانی (وانان) .
ماوەیتەر مەونە سەرو ئی جیاوازیانە و باسشان مەکەروو.
کاکە ڕەزا، مەمنوون کە ئەمنت شایانو ئانەیە زانا کە کتێوەکەم بە دیاری پەی کیانی. لەزەتم بەرد. دەسێت وەشێبان و بەردەوام بە.
ساسان حەیدەری.[1]