هارگاکۍ مسەفا بەگی
نویستەی: #ئەسعەد ڕەشید#
مەگېڵناوە جافرسان، حاکمو هۆرامانی (ۋیس وچوار) کۊڕۍ سوارېش مەبان، کە هەریۊشا سالارو وڵاتێ بېیەن و خاوەنو دیوەخانو ۋېش بېیەن .
دماتەر چەرخ چەرخیۊو ڕۊزگار پەشتیشا چەنە کەرۊ، دەسەڵاتشان جە دەس مڎان، ۋڵات جیامازاو هارگێ دیوەخانەکاشا کۊشېیاوە ، چاوەختەنە کابرێوە بەنامۍ (مسەفا بەگ) ی کە هەر چاییشان بېیەن و کەسو نزیکو جافرسانی بېیەن نەکۆتەن ۋەرو پرۊسەو ئاوارەبېیەی و هەرچاگە مەنەنۆ ، مسەفا بەگ کابرێوە ۋەش ڕوو و ئاغە ژەن بېیەن ، یانی ناسکو ژەن ڕەفتار بېیەن .جارێشا ۋەختو ڕاوېیەرینە دلۍ بازارو نۆسوڎېنە مسەفا بەگ قاچش هۊرگنۊو گلېرۊ، جیای ئانەی ۋاچۊ ئەڵڵا ماچۊ (وی) ، چا عانەنە کابرێوە نزیکشۆ بۊو گۊشش جە هاوارەکۆ مسەفا بەگیۆ بۊ، کابرا ڕۊوە کەرۊ مسەفا بەگی و ماچۊ
مسەفا، قۊربانەو هەرمانا خوڎای بوو، ۋیس و پەنج هارگێ خانەڎانا کۊرۍکەرۊوەو تۊ پاڵو هارگێنە مازۊوە.
قەڎییمیۍ چن خاسشان فەرماوان:
یاگۍ شا بازا کۊر کۊرۍ وازا
ئارۊ ئېمەیچ ماچمۍ: قۊربانۆ هەرمانا خوڎای بیمۍ، چوون چی ۋڵاتەنە هارگێوەش کۊشناوە کە گردیما یام گەرم کەرېوە یام پېوەرە داخماکەرۍ، کەچی سەڎەها خەڵکۍ بۍ بارۍ و بۍ ئەرزشېش ۋستۍ پاڵو هارگێ کە تەنیا ڕۊشنایی و گەرمیش پەی ۋېشاو کۊیلەکا دۆرو خۊلیشان .[1]