#ئێستا کچێک نیشتمانمە#
ئێوارەیە و لەسەر جادەی سەهۆڵەکە ڕاوەستاوم
نیشتمانی کۆن خەریکە دابچێت و ئاوا ببێ
تۆزێکی تر نیشتمانە تازەکەی خۆم
ڕۆزانا هەڵدێ و پێکەوە
وەک دوو پرسیاری نێر و مێ
تازە و تینوو
کەڵەگەتتر لە دروشم و
لە منارە و
چون (با)ی بێباک لە دیوار و
لە جوگرافیای حەرام و
دیرۆکی ترس.
هەر دوو بە جووت
قۆڵ لە قۆڵی یەکتریدا
گوڵ بە دەم و
هەتاو لە چاو
سەر بەرەو ژوور ئەبینەوە
بۆ ئەو باخچەی عەشق و خەونەی
نە زەرد ئەبێ و
نە پیر ئەبێ و
نە ئەیشمرێ!
#شێرکۆ بێکەس# [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە.=KTML_End=
Այս տարրը գրվել է (کوردیی ناوەڕاست) լեզվով, սեղմեք պատկերակը
բացել իրը բնագրի լեզվով
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 237 անգամ
Գրեք ձեր մեկնաբանությունը մոտ այս նյութը!