ناڤ: سعود
ناڤێ بابی: مستۆ
ناڤێ دایکێ: شارێ
ڕۆژا ژدایکبونێ: #01-05-1978#
جهێ ژ دایکبونێ: گوندێ سینا/ کومەڵگەها #شاریا#/ #دهوک#
ژیاننامە
سعود مستۆ نەجم ل ڕۆژا 01-05-1978 ل گوندێ سینا ل کومەڵگەها شاریا یا سەر ب پارێزگەها دهوکێ ژدایکبوویە و ژیانا خوە هەر ل کومەڵگەها شاریا دبەتە سەر، سعود مستۆ باوەڕنامەیا خوە یا باکالۆریوسێ ل پشکا یاسا یا زانینگەها بابل ب دەست خوەڤە ئیناندیە، ل ساڵا 2001-2002، کارێ وی یێ سەرەکە ڤەکۆلەرێ یاساییە و شارەزاییەکا تایبەت هەیە دبوارێ ڤەکۆلینا یاسایی دە و ژبو ماوێ چەند ساڵان ل دادگەها سێمێلێ کار کرییە، لێ پشتی ڕویدانا دلتەزینا جینۆسایدا کوردێن ئێزدی ل ساڵا 2014 گرنگیەکا تایبەت ژ نێزیک ڤە ب قوربانی و ئاوارە و ڕزگاربوویێن جینۆسایدێ دایە، هەر ژبەر ڤێ چەندێ و خەمخۆریا وی بوویە ڕێڤەبەرێ کەمپا ئاوارەیان ل کەمپا شاریا و پشتڕە بوویە ڕێڤەبەرێ کەمپا کەبەرتوو ژبو ماوێ چار ساڵان، هەرهۆسا سعود مستۆ ڕاوێژکارێ ئەنجومەنێ ڕاوێژکاریا جڤاتا ڕوحانییا ئێزدیانە، کەسێ ناڤ هاتی ئەندامێ دەستەیا ڤەکۆلین و کۆمکرنا بەڵگەیانە د دەربارێ جینۆسایدا ئێزدیان و دانە ناسینا ڕیدانێن جینۆسایدا شنگالێ ژبو خەلکێ بیانی و وەڵاتێن بیانی، ژ ئالەکێ دنڤە سعود مستۆ ئەندامێ لیژنەیا دارشتنا یاسایا تایبەت ب مافێ پێکهاتەیێن ئاینی یە ل هەرێما کوردستانێ.
سعود مستۆ سەرپەرشتیارێ لژنەیەکا تایبەت و خوەبەخش بوویە ژبو ئانینا ئاوارەیێن شنگال ژبو کومەڵگەها شاریا و ڕۆلەکێ گەلەک مەزن گێڕا بۆ پەیداکرنا خارن و ڤەخارن و جلوبەرگ و ڤەحواندنا وانا.
سعود مستۆ ئەندامێ دەستەیا بلندا بنگەهێ لالش یێ ڕەوشەنبیری و جڤاکی بوو ل دهوکێ. ناڤهاتی ل ساڵا 2023 دبیتە ڕێڤەبەرێ گشتی یێ کاروبارێن ئێزدیان ل #وەزارەتا ئەوقافێ و کاروبارێن ئاینی# یا سەر ب #حکومەتا هەرێما کوردستانێ# ڤە و هەتا نهۆ ساڵا (2024) بەردەوامە لسەر کارێ خوە. [1][2]