هەڵبەستەکەم ئاوازێکە
یا چیڕۆکێ یا ڕازێکە
بە فرمێسکی پاکی چاوم
یا بە گەشیەتی خوێناوم
ڕێکخراوە، داڕێژراوە
بەخامەی دڵ، بۆت نووسراوە
دیاری هەستە کە خورپەیە
بۆ تۆی جوانی تاقانەیە
کە بە کڵپەی دەروونی من
ڕێکخراوە بۆ تۆی شەرمن
دیاری دڵە، خونچەی چڵە
فریشتەکەم، بۆ تۆی گوڵە
لێم مەڕەنجە وەری گرە
لە توێی دڵتا هەڵی گرە
تاکو لەگەڵ جووڵەی دڵت
هەستی خاوێنی بە کوڵت
خۆی ڕابێنێ، واز نەهێنێ
تاکو باسی، ڕازی دێنێ[1]
هۆنەر: #دڵشاد مەریوانی#
پەرتووکی: #فرمێسک و زەردەخەنە#
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 39 անգամ
Գրեք ձեր մեկնաբանությունը մոտ այս նյութը!