مەحوی (1830_1906ز.)و چەپکێو وردەکاریێ هونەریێ بە تاموو تەنزێ
نویستەی: #عادل محەمەدپوور#
بە پیر ئەو ماهەوە چووم و بە سەر چووم
پەری بوو، ئەو نەبوو، شەو بوو، بەسەرچووم.
گلەی پێشم لەسەر سەر هەم بۊوە بار
کە دی من دوڵبەرم هات و بە سەر چووم. 
پڕۆسەو خورپەبەخشی و ئەوەخېزنی ئی شێعرێنە، شاعێر یان ڕاوی، ملۆ پېوای مانگێوە (ئیستێعارەن پەی یارێ)، بەڵام جېیاتیو پایاش بە سەرە ملۆ دەمشەوە. چاگەیچەنە کە شەوەنە و تاریک و لێڵەن، ملۆ هەڵەرە و نمەتاۋۊ سووژەی بپێکۆ و بەڵام ئاخرش مېیاوۆنە کە ئاڎە نییەنە و پەرینە. چەولایچەوە، قاچێچش گلەیی کەرا کە چی پاڎیشا نەلان تاکو ئی شانازییە بۊنە نەسیبوو ئاڎیشا. مانگە، پەری و  (بە سەر چوون و بەسەرچوون) ئا سازە هونەرییە ناسازێنێ کە ئی شێعرێشا ئەکتیڤ و چالاک نیشانە داینە کە هەم سازە هونەرییەکاو ئی شێعرێنی و هەمتەر پارادۆکس و دژ بە یۆکاش (نەرێ کەرڎەیو ئەنترینی) کە دەلالەتوو تەنزوو شێعرەکېش چنیێنە یۊیرە و پێوەرە لکش داینێ. یانې چی گیر و بەڼەنە، پرۆسەکە، چی وێنە دژنمایا خوڵێقناین و کریۆنە بواچمێنە بەرزە وێنێوی هونەریی یۆرەدریایش خېزناینە (تصویر مرکب).[1]