لە پەڕاوێزی بەڕێوەچوونی چالاکییە وەرزشییەکانی دووەم ڤێستیڤاڵی وەرزشی خانمانی ئێراق کە لیژنەی یەکسانی نێوان هەردوو ڕەگەز لە لیژنەی ئۆڵۆمپی ئێراق ڕێکی خستبوو، تیمی کاتای کچانی #یانەی وەرزشی پێشمەرگەی سلێمانی# خاوەن پلەی سێیەم لە پاڵەوانێتی یانە پاڵەوانەکانی عەرەبی سێ نمایشی جۆراوجۆری کاتایان پێشکەش کرد.
لەو نمایشانەیان دا کیژە پاڵەوانەکانی پێشمەرگە هونەری بەرگری و جەنگییان پیشانی میوانان و ئامادەبووان و میدیا ئێراقی و کوردستانییەکان دا و جوانی نمایشەکانیشیان بووە جێگەی سەرنجی تەواوی ئامادەبووانی هۆڵەکە و میدیاکان، ئەمە و دوایی کۆتاهاتنی ڤێستیڤاڵەکە بەڕێز حاکم #مەحمود ئەحمەد موڕاد #جێگری سەرۆکی یانەی وەرزشی پێشمەرگە و (د.تێرس ئۆدیشۆ) دامەزرێنەری یاری کاراتێ لە ئێراق و سەرۆکی لیژنەی تاقیکردنەوەکان لە یەکێتی کاراتێی ئێراق و #کاروان شێخ زیرەک# بەڕێوەبەری وەرزشی سلێمانی و خاتوو #کەلسوم محەمەد# ئەندامی دەستەی کارگێڕی یانەی وەرزشی پێشمەرگە سوپاسی تیمی کاتای یانەکەیان کرد کە توانیان لە ڤێستیڤاڵی خانمانی ئێراق بە جوڵە هونەرییەکانیان سەرنجی هەمووان بۆ خۆیان ڕابکێشن و هەروەک داهاتووی ئەو تیمەشیان بە ڕۆشن لە قەڵەمدا کە لەژێر سەرپەرشتی کۆمەڵێک لە ڕاهێنەرانی بە ئەزموون و ئاستبەرزەوە مەشقیان پێ دەکرێت.
لە بەرانبەردا دەستەی ڕاهێنەرانی تیمی کاراتێی کچانی یانەی پێشمەرگە سوپاسی جێگری سەرۆکی یانەی پێشمەرگەیان کرد بۆ پاڵپشتی و هاوکارییە بەردەوامەکانیان و هەروەک ئەو دەست کەوت و ئەنجامانەی تیمەکانیشیان بۆ حاکم مەحمود ئەحمەد موڕاد گەڕاندەوە کە بەردەوام و لە نزیکەوە ئاگاداریان دەبێت و ڕێنوێنیان دەکات. [1]
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 5 անգամ
Գրեք ձեր մեկնաբանությունը մոտ այս նյութը!