پاش کۆتایهاتنی دووەمین ڤێستیڤاڵی ئۆڵۆمپی ژنانی لیژنەی یەکسانی نێوان هەردوو ڕەگەز لە لیژنەی ئۆڵۆمپی ئێراق کە #یانەی وەرزشی پێشمەرگەی سلێمانی# میوانداری بوو وەک ڕێزلێنان و ئاڕاستەکردنی سوپاس و پێزانین بۆ یانەکەیان، خاتوو #لەیلا محەمەد ئەمین# جێگری سەرۆکی لیژنەی یەکسانی نێوان هەردوو ڕەگەز قەڵغانی ڕێزلێنانی لیژنەکەیانی بەخشیە یانەی پێشمەرگە.
ئەمە و دوای وەرگرتنی ئەو ڕێزلێنانە لەلایەن بەڕێز م. #شێرزاد محەمەد حەسەن#ی سکرتێری یانەی وەرزشی پێشمەرگەوە، جێگری سەرۆکی لیژنەی یەکسانی لە لیژنەی ئۆڵۆمپی ئێراق بۆ میدیا بینراو خوێنراوەکان ڕایگەیاند کە پاڵپشتی یانەی وەرزشی پێشمەرگە و بەڕێزان سەرۆکی یانە و جێگری سەرۆک بەرز دەنرخێنن کە لە یەکەم ڕۆژی دەستپێکی ئامادەکارییەکان تەواوی پاڵپشتیان بۆ دوپات کردونەتەوە و هاوکاریان بوون بۆ سەرکەوتنی ئەو ڤێستیڤاڵە قەشەنگە، هەروەک وتیشی، یانەی پێشمەرگە لەو ڕۆژەی دامەزراوە تا ئەمڕۆ پێگەیەکی بەهێزی لە کوردستان و ئێراق هەبووە و هەمیشە خزمەتی بەتەواوی وەرزشکاران کردووە و جگە لەوەش چالاکی یەکێتییەکانی سەربە لیژنەی ئۆڵۆمپی کوردستان و ئێراق لەم هۆڵە ڕازاوەیە ئەنجام دراوە کە ئەوەش دەبێتە هۆکاری بەرەو پێش چوونی وەرزش و وەرزشکاران.
پاشان م. شێرزاد محەمەد حەسەنی سکرتێری یانەی وەرزشی پێشمەرگە سوپاسی لیژنەی یەکسانی نێوان هەردوو ڕەگەزی لە لیژنەی ئۆڵۆمپی ئێراق کردوو ئەو ڕێزلێنانەیانی بەرز نرخاند و ئاماژەی بەوەشکرد کە یانەی پێشمەرگە هەمیشە دەرگای بۆ چالاکییە وەرزشییەکان واڵا دەبێت و پاڵپشتی وەرزشکاران دەبین. [1]
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 8 անգամ
Գրեք ձեր մեկնաբանությունը մոտ այս նյութը!