ناوی ئەحمەدی کوڕی عەبدولڕەحمانەو لەدنیای ئەدەبدا بە (فانی) ناسراوە. ساڵی 1807 لەگوندی (نۆدشە) لەدایک بووەو بەمنداڵی لای باوکی دەستی داوەتە خوێندن، هەر ئەو سەردەمە قورئانی پیرۆز و سەرچاوە فارسییەکانی تەواو کردووەو بۆ پەیدا کردنی شارەزایی زیاتر زوربەی ناوچەکانی کوردستان گەڕاوە،لەرواندز ئیجازەی مەلایەتی وەرگرتووە و ماوەیەکی زۆر لەسلێمانی و سنە ژیاوە. حاجی مەلا ئەحمەد لەبواری مەسەلە ئایینییەکاندا یەکێک بووە لە مامۆستا هەرە بەناوبانگەکانی سەردەمی خۆی و لەم بارەیەوە مەولەوی شاعیر بەسەرچاوەیەکی گەورەی لەقەڵەم داوە. مەلا ئەحمەدی فانی گەلێ مامۆستای پایەبەرزی پێگەیاندووەوچەند بەرهەمێکی گرانبەهاشی بەهەردوو زمانی عەرەبی و فارسی بۆ بەجێ هێشتووین. ئەم زانا بەناوبانگە لەبواری شیعر و ئەدەبیشدا دەستێکی باڵای هەبووە. بەزمانی کوردی و فارسی کۆمەڵێ شیعری بەرزی نووسیوە. فانی شاعیر، ساڵانی دوایی تەمەنی خۆی لەگوندی (نۆدشە) بەرێنمایی کردنی خەڵک و بەدەرس وتنەوە بردۆتە سەر، ساڵی 1881 کۆچی دوایی کرد.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 4,043