سەرچاوەی وێنە: بابی لالۆ.
ناوی تەواوی (عەبدوڵڵا قادر مەحەمەد) ە، ساڵی (1890) لە دایک بووە، زۆربەی ژیان وگوزەرانی لە سلێمانی بووە، لە شەوێکی ڕەمەزانی ساڵی (1955) واتە لە تەمەنی (65) سالیدا لەماڵی (شێخ مەحەمەدی مەحوی) ئەلبومێکی تۆمار کردووە کە مەقامەکانی (هومایۆن - سێگاو..هتد) وەبەستەکانی (غەزالێ - خوایە هەڵکەی بای شەماڵێ - بۆم لێدە چەنگ و عودە - خەدەنگی قەوسی ئەبرۆی تۆ - قوربانی دوو ئەبرۆی - وەکو قومری لە باخ و جۆباران - هەورێکی هێنا - پرسیم لە چیمەن - ئەگەر بمێنم - هەرمێ وەی وەی هەرمێ) و چەندانی تر کە نمونەی گۆرانی و مەقامی نایاب و پر هونەرین و ئەوەش دەردەخەن کە دەروێش عەبدوڵڵا شارەزاییەکی زۆری لە مەقامات و گۆرانیدا هەبووە، ئەویش لە ڕێگەی ئەو گەڕان و سەردان و هاتۆچۆیانە بووە بۆ کۆڕو مەجلیسی شوێنە جیاوازەکان و لێیانەوە فێر بووە ئەمە جگە لەوەی خۆشی بەهرەو توانایەکی زۆری مەقامات و گۆرانی هەبووە، دەروێش عەبدوڵڵا برایەکی هەبووە بەناوی (فەقێ ئیسماعیل سەرما بردوو) ئەو برایەی ڕۆڵێکی زۆری هەبووە لە بڵاو کردنەوە و کۆکردنەوەی (بەیت و بەندو بەستە) کە چەندان نووسەرو ئەدیبی گەورەی کورد سوودیان لێ وەرگرتووە..(گۆران) ی شاعیر لە تێکستیکی جوانیدا بەناوی (دەروێش عەبدوڵلا) هەست و سۆزی کوردانەی خۆی بۆ گۆرانی و موزیک و شیعر دەردەبرێت و تکا لە دەرویش دەکات کە بە بە ڕەنگە زەردەکەیی و دەست و پەنجەی دەف موزیکی حوزن و ماتەمی خۆی بۆ بنوسێتەوە و وەکو بیتهۆفن) لەو پیوانەی حەزو ئارەزووی موزیکدا بیپێوێت، دەروێش عەبدوڵلا لە ساڵی (1958) لە #سلێمانی# کۆچی دوایی کردووە و لە گردی (شێخ محێدین) نێژراوە. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 15,255
Γράψτε το σχόλιό σας για αυτό το προϊόν!