ناو: خەلیل
نازناو: خەلیل وەندی
ناوی باوک: موڕاد
ساڵی لەدایکبوون: 1947
شوێنی لەدایکبوون: #خانەقین#
$ژیاننامە$
خەلیل موڕاد وەندی لە ساڵی 1947 لە گوندی سەی برزوی سەربە شاری خانەقین لە خێزانێکی هەژار چاوی بە دونیا هەڵهێناوە، قۆناغەکانی سەرەتایی لە گوندەکەی خۆیانەوە دەستپێدەکات و دواتر دێنە شاری خانەقین و لەوێ تا پۆلی پێنجی ئامادەیی خوێندووە لە دوای ئەم قۆناغە بڕیار دەدات بچێتە شاری #بەغدا# و لەوێ جارێکی دی دەست بە خوێندن دەکات و لە ساڵی 1973 بڕوانامەی بەکالۆریۆس لە بەشی زمانی کوردی لە کۆلێژی ئاداب لە بەغدا بەدەست دەهێنێت. دواتر بەردەوام دەبێت لە خوێندن و دەچێتە خوێندنی باڵا و لە ساڵی 1974 بڕوانامەی خوێندنی باڵا لە ڕێگەکانی وانەوتنەوەدا بەدەست دەهێنێت، دوای تەواوکردنی خوێندن وەک مامۆستا دامەزراوە و لە زۆر شار و شوێنی ئێراق و کوردستان خزمەتی کردووە، لە ڕێکەوتی #08-05-1975# ژیانی هاوسەرگیری پێکهێناوە و خاوەنی حەوت منداڵە 5 کوڕ و 2 کچ. دوایین جار بووەتە مامۆستا لە #زانکۆی سۆران# و لە ساڵی 2017 خانەنشین بووە. لە سەرەتای ساڵی حەفتاکانەوە دەستی کردووە بە کاری هونەریی و خاوەنی دەیان گۆرانی جوان و دانسقەیە و لە بواری هونەردا خزمەتێکی گەورەی بە هونەری ڕەسەنی کوردی کردووە. خەلیل وەندی یەکێکە لەو هونەرمەندانەی کە لەسەر دەستی هونەرمەندی مەزن #عەلی مەردان# پێی ناوەتە نێو کاروباری هونەرییەوە و بە قوتابی ئەو دادەنرێت، ئێستاش هەر کەسێک گوێی لە گۆرانی (خۆشەویستەکەم) بێت کە لە ساڵی 1971 وتراوە، وا هەست دەکات کە هیی ئەم سەردەمەیە و هەمان تاموچێژی هەیە، خەلیل وەندی کوڕی لادێ و هونەرمەند و مامۆستای زانکۆیە، نزیکەی 85 گۆرانی دیکەی بۆ ڕادیۆی کوردی بەغدا و 20 گۆرانی بۆ تەلەڤزیۆنەکان تۆمار کردووە، بە گۆرانی و ئاوازە ڕەسەنەکانی لەناو دڵ و دەروونی خەڵکی کوردستاندا جێگەی خۆی کردەوە و هەوادارێکی زۆری بۆ خۆی پەیدا کرد و تا ئێستا (2024) بە تاسەوە گوێی لێ دەگرن. [1] [2]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 13,489
Γράψτε το σχόλιό σας για αυτό το προϊόν!