ناو:هەنگاو
ناوی باوک: ئەنوەر
نازناو: شێخانی
نوسینی: #خالید عومەر عوسمان#
هەنگاو ئەنوەر شێخانی- مۆسیقا ژەن
ناوی تەواوی (هەنگاو ئەنوەر محەمەد مەولود) ە، لە #1980-4-13# لە گەرەکی کورانی شاری #هەولێر# لەدایک بووە، خاوەنی بڕوانامەی دبلۆم لە بەشی مۆسیقای پەیمانگای هونەرەجوانەکانی هەولێر و بەکالۆریۆس لە بەشی مۆسیقای کۆلیژی هونەرەجوانەکانە، بڕوانامەی ماستەری هەیە لە پسپۆری موزیک ساڵی 2013، ساڵی 1994 دەستی بەکاری هونەری کردووە، ساڵی 1994 تا 1999 وەک مۆسیقا ژەن و دانەر و ئامادەکار لە زۆربەی کۆنسێرت و بەرنامەکانی تیڤی کوردستان بەشداری کردووە، ساڵی 1999 تا 2003 مۆسیقا ژەن بووە لە گروپی مۆسیقای سەتەلایتی کوردستان و دواتر بۆتە بەرپرسی مۆسیقای بەرنامەکانی تیڤی کوردستان، ساڵی 2003 ەوە وەک مۆسیقا ژەن لە زۆربەی ڤیستیڤاڵ و چالاکییەکانی پەیمانگای هونەرەجوانەکان بەشداری کردووە، ساڵی 1999 تا 2003 ئەندامی ئۆرکسترای کوردستان و ئەندامی تیپی مۆسیقای هەولێر بووە، ساڵی 2007 لەگەڵ چەند مۆسیقا ژەنێکی کورد و فەرەنسی دوو کۆنسێرتی لە وڵاتی فەرەنسا ساز کرد و دوو سیمیناریشی لەسەر مێژوو و فۆرمی مۆسیقای کوردی پێشکەش کردووە، مۆسیقای بۆ هەردوو فیلمی دیکۆمێنتی (گۆڕە بە کۆمەڵەکان- عەلی کیمیاوی) ئامادە کردووە کە لە دەرهێنانی جانۆ ڕۆژبەیانییە، دانان و ئامادە کردن و دابەش کردنی مۆسیقای بۆ بەرهەمی چەندین هونەرمەند داناوە وەک (ماهیر محەمەد ئەمین- وەیسی محەمەد- بەکری لەکزی) و هیتریش، چەندین وتار و لێکۆڵینەوەی ڕەخنەی مۆسیقی لە گۆڤار و ڕۆژنامەکان بڵاو کردۆتەوە، هەروەها چەندین توێژینەوەی زانستی لەسەر مۆسیقای کوردی ئەنجامداوە لەوانە (گۆرانی کار لە دەشتی هەولێر- مۆسیقا و گۆرانی لە ئایینی ئێزیدیدا، ماوەیەک ئامادەکار و پێشکەشکاری بەرنامەی (ژیان موزیک) بوو لە ڕادیۆی دەنگی کوردستان، ئەندامی دەستەی دامەزرێنەری ئینستیوتی کەلەپوری کوردستان بووە کە دواتر ناوەکەی گۆڕا بۆ دەزگای موزیک کەلەپووری کوردە، لە ساڵی 2004 ەوە بووەتە بەڕێوەبەر و سەرۆکی ئەنجومەنی کارگێڕی موزیک و کەلەپووری کوردە، (46) کتێبی لە بوارەکانی موزیک و کەلەپووری کوردی بەچاپ گەیاندووە، هەروەها کار لە گۆڤاری (چلاواز) دەکات، چەندین کۆڕ و سیمینار و وۆرکشۆپی ئەنجامداوە، مامۆستای بەشی مۆسیقایە لە پەیمانگای هونەرەجوانەکانی هەولێر، ئێستا قوتابی دکتۆرایە لە پسپۆری موزیک، لە ساڵی 2003 تاکو 2013 مامۆستا بووە لە پەیمانگەی هونەرە جوانەکانی هەولێر، لە ساڵی 2013 تاکو ئێستا مامۆستایە لە بەشی موزیکی کۆلیژی هونەرەجوانەکانی زانکۆی سەڵاحەدین، دانەری میلۆدی و دابەشکاری ماڕشی بۆردی پزیشکی کوردستانە، لەساڵی 2015 تاکو ئێستا بەرێوەبەری پەیمانگەی هونەرە جوانەکانی (لاوک)ی ناحکومیە، هەروەها تاکو ئێستا دەیان سیمناری لەسەر لایەنەکانی موزیک پێشکەش کردووە و ئەمە جگە لە وۆرکشۆپی هونەری.[1]
نووسەر و بەرێوەبەری دەزگای موزیک و کەلەپووری کورد
=KTML_Link_External_Begin=https://www.facebook.com/Hangaw.Anwar=KTML_Link_External_Between=facebook/Hangaw.Anwar=KTML_Link_External_End=
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 3,290
Γράψτε το σχόλιό σας για αυτό το προϊόν!